உஷார்... சமைக்காத நூடுல்ஸ் சாப்பிட்ட 13 வயது சிறுவன் உயிரிழப்பு... இத்தனை பாதிப்புகளா?!

“ரெண்டே நிமிஷத்துல சாப்பிட ரெடி” என்பதால் பெற்றோர்களிடையே எளிதாகவும், விரைவாகவும் சமைத்து முடிச்சிடலாம் என்று அறிமுகமாகி பிரபலமான நூடுல்ஸ் இன்று குழந்தைகளிடையே பிரபலமான உணவு வகையாக இருக்கிறது. இந்நிலையில், சமைக்காத இன்ஸ்டண்ட் ராமன் நூடுல்ஸின் மூன்று பாக்கெட்டுகளை சாப்பிட்ட பிறகு எகிப்தைச் சேர்ந்த 13 வயது சிறுவன் ஒருவர் உயிரிழந்ததாக தகவல்கள் வெளியாகி அதிர்ச்சியளிக்கின்றன.

சமைக்கப்படாத நூடுல்ஸை அப்படியே உட்கொண்ட 13 வயது சிறுவன், நூடுல்ஸ் சாப்பிட்ட ஒரு மணி நேரத்திற்குப் பிறகு கடுமையான வயிற்று வலி, மற்றும் வாந்தியால் அவதிப்பட்டுள்ளான். ஆரம்பத்தில் சிறுவன் நூடுல்ஸை சாப்பிடுவதற்கு முன்பு அவை விஷம் படிந்ததாக இருக்கலாம் போலீசார் நினைத்தனர். ஒருவேளை காலாவதியான நூடுல்ஸாக இருக்கலாமோ என்கிற சந்தேகத்தின் பேரில் ராமன் நூடுல்ஸை விற்ற கடைக்காரரிடம் விசாரிக்கப்பட்டது.

இருப்பினும் எஞ்சிய நூடுல்ஸ் பாக்கெட்டுகளைக் கொண்டுச் சென்று ஆய்வகத்தில் சோதனை செய்ததிலும், சிறுவனின் பிரேத பரிசோதனை அறிக்கையிலும் நூடுல்க்ஸ் ​தயாரிப்புகளில் லேசர் பூச்சுகள் எதுவும் பூசப்படவில்லை என்பது உறுதி செய்யப்பட்டது. அதிகளவு சமைக்காத நூடுல்ஸை சாப்பிட்டதால் ஏற்பட்ட கடுமையான குடல் அடைப்பு காரணமாக சிறுவன் உயிரிழந்ததாக தகவல்கள் தெரிவிக்கின்றன.

நிபுணர்களின் கூற்றுப்படி, சமைக்கப்படாத நூடுல்ஸ் கடுமையான நீரிழப்பு மற்றும் குடல் அடைப்புகளை ஏற்படுத்தும். குழந்தைகள் உட்பட ஏராளமான மக்கள் நூடுல்ஸை பச்சையாக சாப்பிட்டு வருகின்றனர். இது குறித்த வீடியோக்கள் சமீபத்தில் மில்லியன் கணக்கான பார்வைகளைப் பெற்றுள்ளன, இளைஞர்கள் அதிகளவில் கார்போஹைட்ரேட்டுகளை உட்கொள்கின்றனர்.

ஏன் நூடுல்ஸை சமைக்காமல் சாப்பிடக்கூடாது?

நூடுல்ஸ் உங்கள் விருப்பமான உணவு பட்டியலில் இருக்க வேண்டும் என்று நீங்கள் விரும்பினால், அவை உங்கள் உடல் ஆரோக்கியத்தில் ஏற்படுத்தும் விளைவுகளைக் கண்டு நீங்கள் ஆச்சரியப்படலாம். விரைவாக சமைக்கக் கூடிய, எளிதான சிற்றுண்டியாகத் தோன்றினாலும், உடனடி நூடுல்ஸை - அதுவும் பச்சையாக  அடிக்கடி சாப்பிட்டால் கடுமையான பக்க விளைவுகளை ஏற்படுத்தும் என்று ஆய்வுகள் கூறுகின்றன. 

குடல் அடைப்பு

சமைக்கப்படாத நூடுல்ஸ் செரிமானப் பாதையைத் தடுக்கும் என்பதால், குடல் அடைப்பை ஏற்படுத்தும். இது மிகவும் பொதுவான காரணமாக இல்லாவிட்டாலும், கடுமையான வயிற்று வலி, குமட்டல், வாந்தி மற்றும் வயிற்று வீக்கம் போன்ற கடுமையான அறிகுறிகள் இருப்பதால், இந்நிலைக்கு உடனடி மருத்துவ கவனிப்பு தேவைப்படும் என்று மருத்துவர்கள் கூறுகின்றனர். இதற்கான சிகிச்சையில் நூடுல்ஸை எண்டோஸ்கோபிக் அல்லது அறுவை சிகிச்சை மூலம் அகற்றுவது அடங்கும். 

கல்லீரல் பாதிப்பு

நிபுணர்களின் கூற்றுப்படி, கல்லீரல் பாதிப்பு என்பது இன்ஸ்டண்ட் நூடுல்ஸ் சாப்பிடுவதால் ஏற்படும் பொதுவான பக்க விளைவாகும். பதப்படுத்தப்பட்ட உணவுகளில் காணப்படும் அதிக சோடியம் மற்றும் நிறைவுற்ற கொழுப்பு உள்ளடக்கம் காரணமாக இது நிகழ்கிறது. மேலும், அவற்றை சேமிக்கப் பயன்படுத்தப்படும் பேக்கிங் பொருட்களில் காலப்போக்கில் குவிந்து கொழுப்பு கல்லீரல் நோயின் வளர்ச்சிக்கு பங்களிக்கும் ரசாயனங்கள் இருக்கலாம்.

தலைவலி மற்றும் குமட்டல்

நூடுல்ஸை அதிகமாக உட்கொள்வது கடுமையான தலைவலி மற்றும் குமட்டலுக்கு வழிவகுக்கிறது. இன்ஸ்டண்ட் நூடுல்ஸில் கொழுப்பு மற்றும் சர்க்கரையுடன் சேர்த்து அதிக சோடியம் உள்ளடக்கம் இருப்பதால் இது நிகழ்கிறது என்று மருத்துவர்கள் கூறுகிறார்கள். மேலும் பதப்படுத்த சிலரின் செரிமான அமைப்புகளில் பாதகமான எதிர்விளைவுகளை ஏற்படுத்தும்.

ஊட்டச்சத்து குறைபாடு

குழந்தைகளிடையே ஊட்டச்சத்து குறைபாடு என்பது உலகளாவிய அளவில் வளர்ந்து வரும் கவலையாகும். ஊட்டச்சத்து குறைபாடு உடல் மற்றும் மன நல்வாழ்வு மற்றும் வளர்ச்சியை பாதிக்கும் பக்க விளைவுகளை ஏற்படுத்தும். உடனடி நூடுல்ஸ் சாப்பிடுவது ஊட்டச்சத்து குறைபாடு, உடல் பருமன், இருதய நோய்களின் அதிகரித்த ஆபத்து மற்றும் வயிற்று வலி, எரிச்சல் மற்றும் இளம் குழந்தைகளில் வளர்ச்சி குறைதல் போன்ற அறிகுறிகளுடன் இணைக்கப்பட்டுள்ளது. ஏனெனில் இந்த ஆரோக்கியமற்ற உணவு வகையில் நம்பமுடியாத அளவிற்கு அதிக சோடியம் மற்றும் நிறைவுற்ற கொழுப்பு காணப்படுகிறது.

இதையும் பிடிச்சிருந்தா படிச்சு பாருங்க

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்

பளபளக்கும் மிருதுவான சருமத்திற்கு இதை மட்டும் செய்தாலே போதும்!!

நாப்கின்களால் ஏற்படும் ரேசஸ் மற்றும் எரிச்சலை போக்க இயற்கை வழிகள்!!

உங்க நட்சத்திரத்துக்கு லாபம் தரும் துறை எது?