ஆசிய கோப்பை ஹாக்கி: இன்று மாலை இந்தியா-ஜப்பான் மோதல்!

இன்று மாலை ஆசிய கோப்பை ஹாக்கி போட்டியில் இந்தியா - ஜப்பான் மோதுகிறது. மற்றொரு போட்டியில் அதே போன்று சீனா-கஜகஸ்தான் அணிகள் (பகல் 1 மணி) சந்திக்கின்றன.

பீகார் மாநிலம் ராஜ்கிர் நகரில் 12-வது ஆசிய கோப்பை ஹாக்கி போட்டி நடந்து வருகிறது. இந்த போட்டியில் பங்கேற்றுள்ள 8 அணிகள் இரு பிரிவாக பிரிக்கப்பட்டு லீக்கில் மோதுகின்றன. லீக் சுற்று முடிவில் இரு பிரிவிலும் டாப்-2 இடங்களை பிடிக்கும் அணிகள் சூப்பர் 4 சுற்றுக்கு முன்னேறும். அதில் இருந்து இரு அணிகள் இறுதிப்போட்டிக்குள் நுழையும்.

இதில் நேற்று நடந்த ‘பி’ பிரிவு லீக் ஆட்டம் ஒன்றில் நடப்பு சாம்பியன் தென்கொரியா அணி, மலேசியாவுடன் மோதியது. இந்த ஆட்டத்தில் மலேசிய அணி 4-1 என்ற கோல் கணக்கில் தென்கொரியாவுக்கு அதிர்ச்சி அளித்து தொடர்ச்சியாக 2-வது வெற்றியை ருசித்தது. தென்கொரியா சந்தித்த முதல் தோல்வி இதுவாகும்.

இன்று நடைபெறும் லீக் ஆட்டத்தில் 3 முறை சாம்பியனும், உலக தரவரிசையில் 7-வது இடத்தில் இருக்கும் அணியான இந்தியா, 18-வது இடத்தில் உள்ள ஜப்பான் அணியுடன் பலப்பரீட்சை நடத்துகிறது. இந்திய அணி தனது முதலாவது ஆட்டத்தில் சீனாவை (4-3) போராடி வென்றது. ஜப்பான் அணி தனது முந்தைய ஆட்டத்தில் கஜகஸ்தானை (7-0) துவம்சம் செய்தது. கடந்த ஆட்டத்தில் எதிர்பார்ப்புக்கு ஏற்ப ஆடாத இந்திய அணி, வலுவான ஜப்பானின் சவாலை சமாளிக்க தனது சிறந்த ஆட்டத்தை வெளிப்படுத்த வேண்டியது அவசியமானதாகும். பிற்பகல் 3 மணிக்கு நடைபெறும் இந்த ஆட்டத்தை சோனி ஸ்போர்ட்ஸ் சேனல் நேரடி ஒளிபரப்பு செய்கிறது.

இதையும் பிடிச்சிருந்தா படிச்சு பாருங்க

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்

பளபளக்கும் மிருதுவான சருமத்திற்கு இதை மட்டும் செய்தாலே போதும்!!

நாப்கின்களால் ஏற்படும் ரேசஸ் மற்றும் எரிச்சலை போக்க இயற்கை வழிகள்!!

உங்க நட்சத்திரத்துக்கு லாபம் தரும் துறை எது?