தண்ணீர், குளிர்பான பாட்டில்களுக்கு தடை... கொடைக்கானலில் புதிய கட்டுப்பாடுகள்!

திண்டுக்கல் மாவட்டம் கொடைக்கானலில் தண்ணீர் பாட்டில்கள், குளிர்பான பாட்டில்களுக்கு தடை விதிக்கப்பட்டுள்ளது. மலைகளின் இளவரசியான கொடைக்கானலில் இயற்கை அழகை ரசிக்கவும்,  குளிர்ச்சியான சூழலை அனுபவிக்கவும் பல்வேறு மாவட்டங்கள், வெளிநாடுகளில் இருந்தும் தினந்தோறும் நூற்றுக்கணக்கான சுற்றுலா பயணிகள் வந்து செல்கின்றனர்.

வெள்ளி நீர்வீழ்ச்சி, நட்சத்திர ஏரி, பிரையண்ட் பூங்கா, ரோஜா பூங்கா, மோயர் பாயிண்ட், பைன் மரக்காடு, பில்லர் ராக், குணா குகை, பேரிஜம் ஏரி ஆகிய இடங்களுக்கு சுற்றுலாப் பயணிகள் சென்று சுற்றிப் பார்த்து வருகின்றனர்.

பல்வேறு பண்டிகை   மற்றும் வார விடுமுறை   என தொடர் விடுமுறை நாட்களில் கொடைக்கானலுக்கு அதிகமாக சுற்றுலா பயணிகள் வருகை தருகின்றனர்.  குறிப்பாக கேரளா, ஆந்திரா உட்பட  வெளி மாநிலங்களில் இருந்து ஏராளமான சுற்றுலா பயணிகள் கொடைக்கானலுக்கு வருகை தருவார்கள். இந்நிலையில் சென்னை உயர்நீதிமன்ற உத்தரவின்படி திண்டுக்கல் மாவட்டம், கொடைக்கானலுக்கு வருகை புரியும் அனைத்து வாகனங்களும் 'epass.tnega.org" என்ற இணையதளத்தில் உரிய விவரங்களை உள்ளீடு செய்து இ.பாஸ் பெற்று பயணிக்கும் முறை மே 7ம் தேதி  முதல் நடைமுறையில் உள்ளது.

சென்னை உயர்நீதிமன்றத்தின் உத்தரவின்படி, கொடைக்கானல் பகுதியில்  வாரநாட்களில் 4000 வாகனங்களும் வார இறுதி நாட்களில் 6000 வாகனங்களும் கொடைக்கானலுக்கு E-Pass பெற்று அனுமதிக்கப்பட்டு வருகிறது. இந்த நடைமுறை மறுஉத்தரவு பிறப்பிக்கப்படும் வரை தொடர்ந்து செயல்பாட்டில் இருக்கும் என அறிவித்துள்ளது.  

மேலும் அரசு பேருந்துகள், உள்ளூர் வாகனங்கள், விவசாயப் பொருட்கள் மற்றும் சரக்குப் பொருட்கள் கொண்டு செல்லும் வாகனங்களுக்கு இ- பாஸ் பெறுவதிலிருந்து  விலக்கு அளிக்கப்பட்டுள்ளது.

மேலும், கொடைக்கானல் மற்றும் அதனை சுற்றியுள்ள மலைப்பகுதிகளில் ஒருமுறை மட்டுமே பயன்படுத்தக் கூடிய நெகிழி பொருட்கள், 5 லிட்டருக்கு குறைவாக உள்ள தண்ணீர் பாட்டில்கள் மற்றும் அனைத்து வகையான குளிர்பான பாட்டில்களுக்கும் தடை விதிக்கப்பட்டுள்ளது.   அதன்படி, 5 லிட்டருக்கு குறைவாக உள்ள தண்ணீர் பாட்டில்கள் மற்றும் அனைத்து வகையான குளிர்பான பாட்டில்கள் வைத்திருந்தால் பாட்டில் ஒன்றுக்கு ரூ.20 வீதம் பசுமை வரி விதிக்கப்படும் என ஆட்சித்தலைவர் சரவணன் தெரிவித்துள்ளார்.

இதையும் பிடிச்சிருந்தா படிச்சு பாருங்க

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்

பளபளக்கும் மிருதுவான சருமத்திற்கு இதை மட்டும் செய்தாலே போதும்!!

நாப்கின்களால் ஏற்படும் ரேசஸ் மற்றும் எரிச்சலை போக்க இயற்கை வழிகள்!!

உங்க நட்சத்திரத்துக்கு லாபம் தரும் துறை எது?