கனடா பிரதமர் ஜஸ்டின் ட்ரூடோ ராஜினாமா... இன்று வெளியாக போகும் முக்கிய அறிவிப்பு?!

அமெரிக்க அதிபர் டொனால்ட் டிரம்ப் வரும் ஜனவரி 20ம் தேதி பதவியேற்பதற்கு முன்னதாக நிகழ இருக்கும் முக்கிய நிகழ்வாக இது பார்க்கப்படுகிறது. கனடாவின் மீது அதிகளவிலான வரிவிதிப்பு உள்ளிட்டவைகளும், டிரம்பின் அதிருப்தியும் இதற்கு ஒரு முக்கிய முடிவாக பார்க்கப்படுகிறது. லிபரல் கட்சியின் தலைவர் பதவியில் இருந்து கனடா பிரதமர் ஜஸ்டின் ட்ரூடோ இன்று பதவி விலகல் அறிவிப்பை வெளியிட இருப்பதாக முன்னணி செய்தி நிறுவனங்கள் தெரிவித்துள்ளன. 

ஜனவரி 8ம் தேதி புதன்கிழமை நடைபெறவுள்ள முக்கிய தேசியக் கூட்டத்திற்கு முன்னதாக தனது ராஜினாமா முடிவை அறிவிப்பார் என்றும் கனடாவை தளமாகக் கொண்ட தி குளோப் அண்ட் மெயில் ஆதாரங்களை மேற்கோளிட்டு தெரிவித்துள்ளது. 

கடந்த சில மாதங்களாக, 53 வயதான ட்ரூடோ தனது சொந்தக் கட்சிக்குள் ஆதரவை இழந்து, காக்கஸ் கிளர்ச்சியை எதிர்கொண்டுள்ளார். மேலும், அவரும் அவரது கட்சியும் மோசமான பொதுக் கருத்துக் கணிப்புகளை எதிர்கொண்டுள்ளனர். அவை இப்போது தேர்தல்கள் நடத்தப்பட்டால், லிபரல் கட்சி பியர் பொய்லிவ்ரேவின் கன்சர்வேடிவ்களால் மகத்தான வெற்றியைப் பெற்று ஆட்சியில் இருந்து அகற்றப்படும் நிலைக்கு தள்ளப்பட்டுள்ளது.

கனடாவில் இந்த ஆண்டு அக்டோபரில் தேர்தல் நடைபெற உள்ள நிலையில் ட்ரூடோ ராஜினாமா செய்தால், அடுத்த நான்கு ஆண்டுகளுக்கு ஜனாதிபதியாக தேர்ந்தெடுக்கப்பட்ட டொனால்ட் டிரம்பின் நிர்வாகத்தை சமாளிக்கக்கூடிய ஒரு அரசாங்கத்தை அமைக்க விரைவான தேர்தலுக்கான புதிய அழைப்புகளை தூண்டும் என்று எதிர்பார்க்கப்படுகிறது.

2013ல் ட்ரூடோ லிபரல் கட்சித் தலைவராகப் பொறுப்பேற்றபோது கிட்டத்தட்ட 12 ஆண்டுகளுக்குப் பிறகு தலைமை மாற்றம் குறித்த பேச்சுக்கள் வந்துள்ளன.ட்ரூடோ தனது ராஜினாமா முடிவை அறிவித்தாலும் அவர் உடனடியாக விலகுவாரா அல்லது புதிய தலைவர் தேர்ந்தெடுக்கப்படும் வரை பிரதமராக நீடிப்பாரா என்பது தெளிவாகத் தெரியவில்லை.

2025 புத்தாண்டு இந்த 6 நட்சத்திரத்தில் பிறந்தவங்களுக்கு தான் அதிர்ஷ்ட மழை!

மார்கழி மாத விரத முறைகள், வழிபாடு, பலன்கள்!

ஐயப்பன் பக்தர்கள் தெரிஞ்சிக்கோங்க ... சபரிமலை சுவாரஸ்யங்கள்!

விட்டேனா பார்!! ராஜநாகத்துடன் ஆக்ரோஷமாக சண்டையிடும் கோழி!!