வெயில் குறைய ஆரம்பிக்குது... 8 மாவட்டங்களில் கனமழைக்கு வாய்ப்பு!

தமிழகத்தின் மேல் பகுதிகளில் நிலவும்  வளிமண்டல கீழடுக்கு சுழற்சி காரணமாக மிதமான மழைக்கு வாய்ப்புள்ளது. இன்று மே 8ம் தேதி  தமிழகத்தின் சில இடங்களிலும், புதுவை மற்றும் காரைக்கால் பகுதிகளிலும் இடி,  மின்னலுடன்  மிதமான மழை பெய்யக்கூடும். தென்காசி, திருநெல்வேலி,  நீலகிரி, கோவை,  தேனி, திண்டுக்கல், விருதுநகர், மற்றும் திருப்பூர் மாவட்டங்களில் கனமழை பெய்யக்கூடும் எனத் தெரிவிக்கப்பட்டுள்ளது.  

கோவை, நீலகிரி, திருப்பூர், திண்டுக்கல், ஈரோடு, கரூர், நாமக்கல் மற்றும் சேலம் மாவட்டங்களில் ஓரிரு இடங்களில் கனமழை பெய்யலாம் எனத் தெரிவிக்கப்பட்டுள்ளது.  மே 10ம் தேதி  தமிழகத்தின் ஒரு சில இடங்கள்,  புதுவை மற்றும் காரைக்கால் பகுதிகளிலும் இடி மின்னலுடன்  லேசானது முதல் மிதமானது வரை  மழை பெய்யக்கூடும். நீலகிரி, கோவை,  திண்டுக்கல், கரூர், நாமக்கல், சேலம், கள்ளக்குறிச்சி, தர்மபுரி மற்றும் திருப்பூர் மாவட்டங்களில் ஓரிரு இடங்களில் கனமழை பெய்யக்கூடும். மே 11ம் தேதி  கோவை, திண்டுக்கல், தேனி, தென்காசி, திருநெல்வேலி, விருதுநகர், மதுரை மற்றும் கன்னியாகுமரி மாவட்டங்களில் ஓரிரு இடங்களில் கனமழை பெய்யலாம் எனத் தெரிவிக்கப்பட்டுள்ளது.

மே 13 மற்றும் மே 14ம் தேதி தமிழகத்தின் ஒரு சில பகுதிகள்,  புதுவை மற்றும் காரைக்கால் பகுதிகளிலும் லேசானது முதல் மிதமானது வரை  மழை பெய்யக்கூடும். இன்று முதல் அடுத்த 5 நாட்களுக்கு  தமிழகம், புதுவை மற்றும் காரைக்கால் பகுதிகளில் அதிகபட்ச வெப்பநிலை 2° செல்சியஸ் வரை படிப்படியாக குறையக்கூடும் எனத் தெரிவிக்கப்பட்டுள்ளது. காற்றின் ஈரப்பதம் தமிழக உள் மாவட்டங்களின் சமவெளி மற்றும் கடலோரப்பகுதிகளில் 55-85% ஆகவும் இருக்கக்கூடும்.சென்னை மற்றும் புறநகர் பகுதிகளைப் பொறுத்தவரை அடுத்த 48 மணி நேரத்திற்கு வானம் ஓரளவு மேகமூட்டத்துடன் காணப்படும். நகரின் ஒரு சில பகுதிகளில் மாலையில்  அல்லது இரவில் லேசானது முதல் மிதமான மழை பெய்யலாம் எனத் தெரிவிக்கப்பட்டுள்ளது.  மீனவர்களுக்கான எச்சரிக்கை எதுவும் விடுக்கப்படவில்லை.  

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!

இனி உச்சம்... பணமழை கொட்டப்போகும் ராசிகள்!

அப்படியே சாப்பிடுவேன்!! 5 அடி முதலையை விழுங்கும் மலைப்பாம்பு!

விட்டேனா பார்!! ராஜநாகத்துடன் ஆக்ரோஷமாக சண்டையிடும் கோழி!