இன்று திருச்சி செல்கிறார் முதல்வர் ஸ்டாலின்... பாதுகாப்பு ஏற்பாடுகள் தீவிரம்!

தமிழக முதலமைச்சர் மு.க. ஸ்டாலின் இன்று நவம்பர் 9ம் தேதி, திருச்சி மற்றும் புதுக்கோட்டை மாவட்டங்களில் நடைபெறும் பல்வேறு அரசு மற்றும் தனியார் நிகழ்ச்சிகளில் பங்கேற்கிறார். தர்மபுரி மற்றும் கிருஷ்ணகிரி மாவட்டங்களில் நிகழ்ச்சிகளில் பங்கேற்று விட்டு, இரவு சாலை வழியாக திருச்சிக்கு செல்லும் முதல்வர் ஸ்டாலின், டிவிஎஸ் டோல்கேட் பகுதியில் உள்ள நெடுஞ்சாலை துறைக்கு சொந்தமான சுற்றுலா மாளிகையில் தங்கி ஓய்வெடுக்கிறார். 

நாளை திங்கட்கிழமை காலை 10 மணிக்கு திருச்சி சோமரசம்பேட்டை டாக்டர் கலைஞர் திடலில் நடைபெற உள்ள ஸ்ரீரங்கம் சட்டமன்ற உறுப்பினர் எம். பழனியாண்டியின் இல்ல திருமண விழாவில் முதல்வர் கலந்து கொள்கிறார். இந்த விழாவைத் தலைமை தாங்கும் முதலமைச்சர் மணமக்களை வாழ்த்தி உரையாற்றவுள்ளார்.

பின்னர் அவர் திருச்சி கொட்டப்பட்டு பகுதியில் உள்ள பாவை அறக்கட்டளை தன்னார்வ தொண்டு நிறுவனத்தின் அன்புச்சோலை முதியோர் இல்லத்தின் புதிய செயல்பாடுகளை தொடங்கி வைப்பார். அதன்பின் புதுக்கோட்டை மாவட்ட கீரனூர் அருகே உள்ள களமாவூர் மூகாம்பிகை பொறியியல் கல்லூரி திடலில் நடைபெறும் அரசு நலத்திட்ட உதவிகள் வழங்கும் விழாவில் பங்கேற்று, புதிய திட்டங்களுக்கு அடிக்கல் நாட்டு விழா மற்றும் முடிவுற்ற பணிகள் திறப்பு விழாவை நடத்த உள்ளார்.

இதையும் பிடிச்சிருந்தா படிச்சு பாருங்க

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்

ஐப்பசி மாசத்துல இந்த 6 ராசிக்காரர்களுக்கும் அதிர்ஷ்ட மழை

ஐப்பசியில இந்த 6 ராசிக்காரங்க யாருக்கும் ஜாமீன் கையெழுத்து போடாதீங்க