விமானத்தில் இயந்திர கோளாறு... அவசர அவசரமாக ஓடுபாதையில் நிறுத்தம்!

சென்னை விமான நிலையத்தில் இருந்து தூத்துக்குடிக்கு இன்று காலை ஜூலை 6ம் தேதிக்கு புறப்படவிருந்த ஸ்பைஸ்ஜெட் விமானத்தில் (விமான எண் SG-3281) திடீர் இயந்திரக் கோளாறு ஏற்பட்டது. இந்த விமானத்தில் 65 பயணிகள் உட்பட 70 பேர் பயணிக்க இருந்தனர். விமானி, கோளாறை உரிய நேரத்தில் கண்டறிந்து, புறப்படுவதற்கு முன்பாக விமானத்தை ஓடுபாதையில் அவசரமாக நிறுத்தினார்.

இந்த சம்பவம் பயணிகளிடையே பரபரப்பை ஏற்படுத்தியது, ஆனால் உடனடி நடவடிக்கையால் எந்தவித பாதிப்பும் ஏற்படவில்லை. விமானத்தில் ஏற்பட்ட இயந்திரக் கோளாறை சரிசெய்ய, தொழில்நுட்பக் குழுவினர் உடனடியாக பணியில் ஈடுபடுத்தப்பட்டனர். தற்போது விமானத்தை பழுது பார்க்கும் பணிகள் தீவிரமாக நடைபெற்று வருவதாக ஸ்பைஸ்ஜெட் நிர்வாகம் தெரிவித்துள்ளது. பயணிகளின் பாதுகாப்பை உறுதி செய்யும் வகையில், முழுமையான பரிசோதனைக்கு பிறகே விமானம் மீண்டும் புறப்படும் என அறிவிக்கப்பட்டுள்ளது.

இதனால், விமானத்தின் புறப்படும் நேரம் தாமதமாகலாம் என எதிர்பார்க்கப்படுகிறது. பயணிகள் அனைவரும் பாதுகாப்பாக விமான நிலையத்தில் உள்ள காத்திருப்பு அறையில் தங்க வைக்கப்பட்டுள்ளனர். ஸ்பைஸ்ஜெட் நிர்வாகம், பயணிகளுக்கு தேவையான உணவு மற்றும் குடிநீர் வழங்கி தகவல் தெரிவித்து வருகிறது. “பயணிகளின் பாதுகாப்பு எங்களுக்கு முதன்மையானது. இயந்திரக் கோளாறு குறித்து விரிவான விசாரணை நடத்தப்படும்,” என ஸ்பைஸ்ஜெட் நிர்வாகி தெரிவித்துள்ளார்.

இச்சம்பவம் விமானப் பயணங்களில் தொழில்நுட்ப பாதுகாப்பு மற்றும் வழக்கமான பரிசோதனைகளின் முக்கியத்துவத்தை மீண்டும் எடுத்துக் காட்டியுள்ளது. சமீபத்தில், அகமதாபாத்தில் ஏற்பட்ட விமான விபத்து பெரும் பரபரப்பை ஏற்படுத்தியிருந்த நிலையில், சமீபகாலமாக இந்தியாவில் விமானங்களில் ஏற்படும் தொழில்நுட்பக் கோளாறுகள் குறித்து பயணிகள் மத்தியில் கவலை எழுந்துள்ளது.

இதையும் பிடிச்சிருந்தா படிச்சு பாருங்க

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்

பளபளக்கும் மிருதுவான சருமத்திற்கு இதை மட்டும் செய்தாலே போதும்!!

நாப்கின்களால் ஏற்படும் ரேசஸ் மற்றும் எரிச்சலை போக்க இயற்கை வழிகள்!!

உங்க நட்சத்திரத்துக்கு லாபம் தரும் துறை எது?