4 குழந்தைகளை ரயிலில் தவிக்க விட்ட கொடூரம்.. 2ஆம் மனைவி வெறிச்செயல்.. தீரா சோகத்தில் கணவர்!

மும்பை அந்தேரி கிழக்கு சுபாஷ் நகரில் வசிப்பவர் நிதின். இவருக்கு 8  வயது முதல் 18 வயது வரை 4 குழந்தைகள் உள்ளனர். 2022ல் நிதினின் மனைவி திடீரென நோய்வாய்ப்பட்டு இறந்தார். இதனால் குழந்தைகளை பார்த்துக்கொள்ள நிதின் இரண்டாவது திருமணம் செய்து கொண்டார். வீட்டில் இருந்த நான்கு குழந்தைகளும், இரண்டாவது மனைவியும் கடந்த சில நாட்களுக்கு முன்பு திடீரென மாயமானார்கள்.

நிதின் உடனடியாக தனது முதல் மனைவியின் சகோதரனை தொடர்பு கொண்டு மனைவி மற்றும் குழந்தைகள் வந்துவிட்டார்களா என்று விசாரித்தார். ஆனால் அவர்கள் அங்கு செல்லவில்லை. காணாமல் போன நிதினின் மனைவி மறுநாள் இரவு 10 மணியளவில் வீடு திரும்பினார். ஆனால் அவருடன் குழந்தைகள் வரவில்லை. குழந்தைகள் எங்கு என கேட்டபோது, ​​பஞ்சாப் எக்ஸ்பிரஸ் மூலம் டெல்லி சென்றதாகவும், கந்த்வா ரயில் நிலையத்தில் தண்ணீர் எடுக்கச் சென்றபோது, ​​ரயில் சென்றுவிட்டதாகவும் கூறினார்.

இதனால் அதிர்ச்சியடைந்த நிதின் போலீசில் புகார் செய்தார். போலீஸாரை அழைத்துக் கொண்டு நிதின் தன் குழந்தைகளைத் தேடிச் சென்றான். நிதினின் இரண்டாவது மனைவிக்கு டெல்லியில் உறவினர்கள் இல்லை. இப்படிப்பட்ட சூழ்நிலையில் குழந்தைகளை அழைத்துக் கொண்டு டெல்லி செல்ல வேண்டுமா என்ற சந்தேகம் போலீசாருக்கு ஏற்பட்டுள்ளது.

இது தொடர்பாக அந்த பெண்ணிடம் விசாரணை நடத்த போலீசார் திட்டமிட்டுள்ளனர். குழந்தைகள் காணாமல் போய் ஒரு வாரம் ஆகிவிட்டது. நிதினின் மனைவி வேண்டுமென்றே குழந்தைகளை ரயிலில் விட்டுச் சென்றாரா அல்லது யாருக்காவது விற்றாரா அல்லது குழந்தைகளை கடத்திச் சென்றாரா என்பது குறித்து போலீஸார் விசாரணை நடத்தி வருகின்றனர்.

காதலித்து கர்ப்பமாக்கிய காதலன்... கைக்குழந்தையுடன் காதலி தர்ணா!

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!

அப்படியே சாப்பிடுவேன்!! 5 அடி முதலையை விழுங்கும் மலைப்பாம்பு!

விட்டேனா பார்!! ராஜநாகத்துடன் ஆக்ரோஷமாக சண்டையிடும் கோழி!