ஜன.14 முதல் குலுங்க போகுது மதுர... 10,000க்கும் மேற்பட்ட காளைகள், 8,000 வீரர்கள்... ஜல்லிக்கட்டு போட்டிகளுக்கான முன்பதிவு நிறைவு!

அடுத்த வாரம் மதுரை குலுங்க போகுது. மதுரையில் வரும் ஜனவரி 14ம் தேதி முதல் தொடர்ச்சியாக அடுத்தடுத்து ஜல்லிக்கட்டு  போட்டிகள் நடைபெற உள்ளன.

இந்நிலையில் ஜல்லிக்கட்டு போட்டிகளில் பங்கேற்க இருக்கும் காளைகள் குறித்து அதன் உரிமையாளர்கள் மற்றும் மாடுபிடி வீரர்களுக்கான ஆன்லைன் டோக்கள் முன்பதிவு நேற்று மாலையுடன் நிறைவு பெற்றது.

மதுரையில் அலங்காநல்லூர், பாலமேடு என்று 3 இடங்களில் நடைபெற உள்ள ஜல்லிக்கட்டு போட்டிகளில் பங்கேற்க 8,000க்கும் மேற்பட்ட மாடுபிடி வீரர்கள் 10,000க்கும் மேற்பட்ட காளைகள் முன்பதிவு செய்யப்பட்டுள்ளது.

மதுரையில் ஜல்லிக்கட்டு போட்டிகளை நடத்த பல்வேறு கட்டுப்பாடுகளுடன் அனுமதி அளிக்கப்பட்டுள்ளது. இதில் ஏராளமான இளைஞர்கள், காளை உரிமையாளர்கள் ஆர்வமுடன் பதிவு செய்தனர். காளையின் மருத்துவச் சான்றிதழ், காளையின் படம், உரிமையாளர் மற்றும் உதவியாளருடன் புகைப்படம் போன்ற ஆவணங்களுடன் ஜல்லிக்கட்டு காளையை துன்புறுத்தாமல் விதிகளுக்கு உட்பட்டு போட்டியில் கலந்துகொள்வோம் என்ற உறுதிமொழி அளித்த பின்னரே  முன்பதிவு செய்யப்பட்டது.

இதே போன்று மாடு பிடி வீரர்களுக்கான முன்பதிவில் மாடுபிடி வீரரின் கைபேசி எண் , ஆதார் எண், பெயர், வயது, முகவரி இவைகளை  பதிவேற்றம் செய்த பின்னர் முன்பதிவு செய்து கொள்ளும் வகையில் ஏற்பாடு செய்யப்பட்டது.

மதுரை மாவட்டத்தில் உள்ள அலங்காநல்லுார்,பாலமேடு, அவனியாபுரம் ஜல்லிக்கட்டு போட்டிகளில் கலந்து கொள்ளும் மாடுபிடி வீரர்கள் மற்றும் காளைகளுக்கான ஆன்லைன் முன்பதிவு நேற்று முன்தினம் தொடங்கிய நிலையில் நேற்று மாலை 5 மணி வரை பதிவு செய்து கொள்ளலாம் என்று அறிவிக்கப்பட்டது. 

ஆன்லைனில் பதிவு செய்ததும் அவர்களுக்கான அனுமதி சீட்டை ஆன்லைனில் பதிவிறக்கம் செய்துகொள்ளலாம் என மாவட்ட நிர்வாகம் தெரிவித்துள்ளது.

ஜனவரி 14ம் தேதி  அவனியாபுரத்திலும், 15ல் பாலமேட்டிலும், 16ல் அலங்காநல்லூரிலும் ஜல்லிக்கட்டு போட்டிகள் நடைபெற உள்ளது. 3 பகுதிகளிலும் நடைபெறும் ஜல்லிக்கட்டில் ஏதேனும் ஒன்றில் மட்டுமே காளைகள் பங்கேற்க முடியும். ஜல்லிக்கட்டு போட்டியில் பங்கேற்கும் காளையுடன் உரிமையாளர் மற்றும் ஒரு உதவியாளர் மட்டுமே அனுமதிக்கப்படுவர் எனத் தெரிவிக்கப்பட்டுள்ளது.

2025 புத்தாண்டு இந்த 6 நட்சத்திரத்தில் பிறந்தவங்களுக்கு தான் அதிர்ஷ்ட மழை!

மார்கழி மாத விரத முறைகள், வழிபாடு, பலன்கள்!

ஐயப்பன் பக்தர்கள் தெரிஞ்சிக்கோங்க ... சபரிமலை சுவாரஸ்யங்கள்!

விட்டேனா பார்!! ராஜநாகத்துடன் ஆக்ரோஷமாக சண்டையிடும் கோழி!!