‘ஆபரேஷன் சிந்தூர்’ துவங்கி பாரதியார், காந்தி, பிரதமர் மோடி வரை உடலில் பச்சை குத்திக் கொண்ட மீனவர்!

பஹல்காம் தாக்குதலில் ஆபரேஷன் சிந்தூரை வெற்றிகரமாக நடத்திய வீரங்கனைகள் முதல் தேசபிதா காந்தி, பாரதியார், பிரதமர் நரேந்திர மோடி வரையிலானவர்களின் உருவகங்கள் கேரள மாநிலம் திருவானந்தபுரம், விழிஞ்சம் முக்கோலாவைச் சேர்ந்த மீனவர் ஜான் (45) தனது உடலில் பச்சைக் குத்திக் கொண்டிருக்கிறார். 

ஆபரேஷன் சிந்தூரில் இந்தியாவின் வெற்றிக் கதையை உலகுக்குச் சொன்ன பெண் ராணுவ அதிகாரிகள் சோபியா குரேஷி மற்றும் வியோமிகா சிங் உட்பட தேசத்தந்தை மகாத்மா, மோடி என உடலில் பச்சைக் குத்திக் கொண்டிருக்கிறார்.

மீன்பிடித்து சம்பாதித்த தனது சேமிப்பிலிருந்து ஒரு லட்சம் ரூபாய் செலவழித்து பச்சை குத்திக் கொண்டிருக்கிறார். மூன்று ஆண்டுகளுக்கு முன்பு, அவர் முதலில் தனது இடது மார்பில் காந்திஜியின் படத்தை பச்சை குத்தினார். பின்னர் அவர் தனது வலது கையில் டாக்டர் பி.ஆர். அம்பேத்கரையும் இடது கையில் சுபாஷ் சந்திர போஸையும் பச்சைக் குத்திக் கொண்டார். 

தமிழ்நாட்டைச் சேர்ந்த அவரது தந்தை சொன்ன கதைகளால் ஈர்க்கப்பட்ட ஜான், சுப்பிரமணிய பாரதிக்கு தனது வலது மார்பில் இடம் கொடுத்திருக்கிறார். பஹல்காம் பயங்கரவாத தாக்குதலுக்கு ஆபரேஷன் சிந்தூர் மூலம் பதிலளித்த இந்திய ராணுவப் பெண்களான வியோமிகா சிங் மற்றும் சோபியா குரேஷி ஆகியோரும் ஜானின் முதுகில் பச்சை குத்தப்பட்டிருக்கிறார்கள். 

முன்னாள் ஜனாதிபதி டாக்டர் ஏ.பி.ஜே. அப்துல் கலாமை அவரது முதுகில் மிகப்பெரிய பச்சையாக குத்தியுள்ளார். இந்திய பிரதமர் நரேந்திர மோடி ஜானின் வயிற்றில் இருக்கிறார்.

ஒவ்வொரு நபரும் தங்கள் படத்தின் கீழே ஆங்கிலத்தில் தங்கள் பெயரை பச்சை குத்திக் கொண்டிருப்பார்கள். படங்களைப் பற்றி கேட்டபோது, ஜானின் பதில், 'அவர்கள் நல்லவர்கள்' என்பதாக இருக்கிறது. 

ஜானை கேலி செய்து ஊக்கப்படுத்தியவர்களும் இருந்தனர். விழிஞ்சத்தில் உள்ள ஒரு பச்சை குத்தும் மையத்தில் ஜான் பச்சை குத்திக் கொள்கிறார். பச்சைக் குத்திக் கொண்ட போது அவர் இரண்டு முறை மயக்கமடைந்தார். வலி காரணமாக அப்துல் கலாமின் படத்தை முடிக்க அவருக்கு ஒரு மாதம் ஆனது. ஆனாலும் அவர் தனது முயற்சியைக் கைவிடவில்லை.

"நான் என் உடலை ஒரு காட்சிப் பொருளாக மாற்றுவதில்லை. நான் சட்டை அணிந்துகொண்டு சுற்றித் திரிகிறேன். மொத்தம் பதினொரு பச்சை குத்திக் கொண்டிருக்கிறேன்" என்று சிரிக்கிறார் ஜான்.

இதையும் பிடிச்சிருந்தா படிச்சு பாருங்க

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்

பளபளக்கும் மிருதுவான சருமத்திற்கு இதை மட்டும் செய்தாலே போதும்!!

நாப்கின்களால் ஏற்படும் ரேசஸ் மற்றும் எரிச்சலை போக்க இயற்கை வழிகள்!!

உங்க நட்சத்திரத்துக்கு லாபம் தரும் துறை எது?