பெரும் அதிர்ச்சி.. 27வது மாடியில் இருந்து தவறி விழுந்த 3 வயது குழந்தை.. பகீர் வீடியோ வைரல்!

 By yamuna R Oct 6, 2024, 14:15 IST
நொய்டா குழந்தை

உத்தரபிரதேசத்தின் நொய்டா கார் சிட்டியில் உள்ள அபார்ட்மெண்ட்டில் ஒரு தம்பதியினர் தங்களது மூன்று வயது மகளுடன் 27வது மாடியில் வசித்து வருகின்றனர். நேற்று குழந்தையின் தந்தை வேலைக்குச் சென்ற நிலையில், தாய் சமையலறையில் இருந்துள்ளார்.குழந்தை தனியாக விளையாடி கொண்டிருந்தது. மதியம் 12.30 மணியளவில் பால்கனி அருகே விளையாடிக் கொண்டிருந்த குழந்தை திடீரென தவறி கீழே விழுந்தது. குழந்தையின் அழுகுரல் கேட்டு தாய் அதிர்ச்சி அடைந்தார். அதிர்ஷ்டவசமாக குழந்தை 12வது மாடி பால்கனியில் தவறி விழுந்தது.


இதனால் விபத்து ஏதும் ஏற்படவில்லை. குழந்தையின் அழுகை சத்தம் கேட்டு வீட்டுக்காரர் குழந்தையை தூக்கி சமாதானப்படுத்தினார். குழந்தையின் தாயும் அங்கு சென்றார்.உடனடியாக குழந்தையை அருகில் உள்ள சர்வோதயா மருத்துவமனையில் சேர்த்தனர். அங்கு குழந்தைக்கு தீவிர சிகிச்சை அளிக்கப்பட்டு வருகிறது.மருத்துவமனையில் அனுமதிக்கப்பட்ட குழந்தையின் உடல்நிலை சற்று மோசமாக இருந்ததாக மருத்துவர்கள் தெரிவித்துள்ளனர். அந்த அதிர்ச்சியில் இருந்து குழந்தை மீளவே இல்லை. எனினும் தற்போது குழந்தையின் உடல்நிலை சீராக உள்ளது. தொடர்ந்து குழந்தையை கண்காணித்து வருகிறோம் என்றனர்.

இந்த சம்பவத்தின் வீடியோ ஒன்று சமூக வலைதளங்களில் வைரலாகி வருகிறது. பால்கனியில் இருந்து அழும் குழந்தையை ஒருவர் தூக்கிச் செல்லும் காட்சியை இது காட்டுகிறது. இது உத்தரபிரதேசத்தில் அதிர்ச்சியை ஏற்படுத்தியுள்ளது.குழந்தையின் தாயின் கவனக்குறைவே இந்த சம்பவத்திற்கு காரணம் என ஒரு பக்கம் குற்றம் சாட்டினர். மறுபுறம், நொய்டாவில் ஏராளமான குடியிருப்புகள் உள்ளன. ஆனால் போதிய பாதுகாப்பு இல்லை. எனவே, அங்கு உரிய பாதுகாப்பு வசதிகளை ஏற்படுத்த வேண்டும் என்ற கோரிக்கையும் எழுந்துள்ளது.

இதுகுறித்து போலீசாருக்கும் தகவல் தெரிவிக்கப்பட்டது. குற்றம் நடந்த இடம் மற்றும் வீடியோ காட்சிகளை ஆய்வு செய்தனர். இது உண்மையான விபத்து என்பதால் வழக்குப்பதிவு செய்யவில்லை என போலீசார் தெரிவித்தனர். இதேபோல் கடந்த சில மாதங்களுக்கு முன்பு சென்னை அடுக்குமாடி குடியிருப்பில் பால்கனியில் இருந்து குழந்தை ஒன்று விழுந்தது. அப்போதும் அக்கம்பக்கத்தினர் தான் குழந்தையை மீட்டனர். எனவே பெற்றோர்களும் தங்கள் குழந்தைகளை உரிய முறையில் பாதுகாக்க வேண்டும் என கூறி வருகின்றனர்.

அக்டோபரில் பிறந்தவங்க அதிர்ஷ்டசாலிகள்... இது எல்லாமே அவங்களோட இயல்புகளா இருக்கும்!

செல்வம் நிலைத்திருக்க புரட்டாசி சனிக்கிழமை வழிபாடு, பலன்கள்!

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!

நவராத்திரி... வீட்டிற்கு வரும் சுமங்கலி பெண்களுக்கு இதை கொடுத்தால் செல்வம் சேரும்!