செப்டம்பரில் கனமழை.. நிலச்சரிவுகள் ஏற்படும் அபாயம்... இந்தியா வானிலை மையம் எச்சரிக்கை!

இந்த வருட செப்டம்பரில் இந்தியா பெரும் மழைக்காலத்தை எதிர்கொள்ள உள்ளதாகவும், கனமழை காரணமாக திடீர் வெள்ளமும், நிலச்சரிவுகளும் ஏற்படும் என்றும் இந்திய வானிலை மையம் கணித்துள்ளது.

வடகிழக்கு மாநிலங்களில் கடந்த ஆகஸ்ட் மாதத்தின் துவக்கத்தில் இருந்தே கன மழை கொட்டி தீர்த்து வருகிறது. ஜம்மு - காஷ்மீர், இமாச்சலப் பிரதேசம்,  உத்தராகண்ட் உள்ளிட்ட மாநிலங்களில் அவ்வப்போது மேகவெடிப்பு, நிலச்சரிவு, பெருவெள்ளம், அதி கனமழை என மக்களின் இயல்பு வாழ்க்கை பெருமளவு பாதிக்கப்பட்டு உயிரிழப்புகளும் ஏற்பட்டன. இந்நிலையில், இந்தியா இந்த செப்டம்பர் மாதத்தில் மழைக்காலத்தை எதிர்கொள்ளும் என இந்திய வானிலை மையம் தெரிவித்துள்ளது.

இது குறித்து இந்திய வானிலை மையம் வெளியிட்டுள்ள அறிக்கையில், “செப்டம்பர் 2025க்கான மாதாந்திர சராசரி மழைப்பொழிவு, கடந்த காலங்களை விட அதிகமாக இருக்கும். சராசரி மழைப்பொழிவான 167.9 மில்லி மீட்டரை விட 109 சதவீதம் அதிக கன மழை பெய்யும். பெரும்பாலான இடங்களில் இயல்பான மழைப்பொழிவை விட அதிகமான மழை பெய்ய வாய்ப்புள்ளது.

இருப்பினும், வடகிழக்கு மற்றும் வடமேற்கு இந்தியாவின் சில பகுதிகளில், இயல்பை விட குறைவான மழை பெய்ய வாய்ப்புள்ளது. அதிகன மழை காரணமாக திடீர் வெள்ளப்பெருக்கு மற்றும் நிலச்சரிவுகள் ஏற்படும்” என்று தெரிவிக்கப்பட்டுள்ளது.

இது தொடர்பாக, இந்திய வானிலை மைய இயக்குனர் மிருத்யுஞ்சய் மொஹபத்ரா கூறுகையில், “செப்டம்பர் மாதத்தில் உத்தராகண்டில் கனமழை காரணமாக நிலச்சரிவுகள் மற்றும் திடீர் வெள்ளம் ஏற்படும். தெற்கு ஹரியானா, டில்லி மற்றும் வடக்கு ராஜஸ்தானில் இயல்பு வாழ்க்கையை சீர்குலைக்கக்கூடும்.

பல ஆறுகள் உத்தரகண்டில் உற்பத்தியாகின்றன. எனவே, கனமழை பெய்தால் பல ஆறுகள் வெள்ளத்தில் மூழ்கும், மேலும் அது மக்களுக்கு பெரும் பாதிப்பை ஏற்படுத்தும். எனவே, இதை நாம் மனதில் கொள்ள வேண்டும். சத்தீஸ்கரில் உள்ள மகாநதி ஆற்றின் மேல் நீர்ப்பிடிப்புப் பகுதிகளிலும் பலத்த மழை பெய்யும்” என்றார்.

இதையும் பிடிச்சிருந்தா படிச்சு பாருங்க

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்

பளபளக்கும் மிருதுவான சருமத்திற்கு இதை மட்டும் செய்தாலே போதும்!!

நாப்கின்களால் ஏற்படும் ரேசஸ் மற்றும் எரிச்சலை போக்க இயற்கை வழிகள்!!

உங்க நட்சத்திரத்துக்கு லாபம் தரும் துறை எது?