இன்று முதல் டிச.21 வரை தமிழகத்தில் கனமழை... இந்த மாவட்டங்களில் வெளுத்து வாங்கப் போகும் மழை!

 By Jay Ganesh Dec 17, 2024, 05:50 IST
இன்று இந்த மாவட்டங்களில் கனமழை!! மக்களே உஷார்!!
இன்று டிசம்பர் 17ம் தேதி முதல் டிசம்பர் 21ம் தேதி வரை தமிழகத்தின் இந்த மாவட்டங்களில் எல்லாம் கனமழை பெய்ய வாய்ப்பிருப்பதாக வானிலை ஆய்வு மையம் தெரிவித்துள்ளது. தெற்கு அந்தமான் கடல் மற்றும்  வங்கக்கடல் பகுதிகளின் மேல்  நிலவி வரும் வளிமண்டல கீழடுக்கு சுழற்சி காற்றழுத்தத் தாழ்வு பகுதியாக உருவான நிலையில் இது மேலும் வலுப்பெற்று இன்றும், நாளையும் தமிழக கடலோரப் பகுதிகளை நோக்கி நகரக்கூடும் என்று எதிர்பார்க்கப்படுகிறது. இதன் காரணமாக தமிழகம், புதுச்சேரி மற்றும் காரைக்காலில் ஓரிரு இடங்களில் இன்று முதல் டிசம்பர் 21ம் தேதி வரை மிதமான மழை பெய்ய வாய்ப்புள்ளதாகத் தெரிவிக்கப்பட்டுள்ளது.

5 மாவட்டங்களில் கன மழை

இது குறித்து வெளியிட்ட செய்திக்குறிப்பில் சென்னை தொடங்கி புதுக்கோட்டை வரை உள்ள கடலோர மாவட்டங்கள் மற்றும் அதை ஒட்டியிருக்கும்  மாவட்டங்களிலும், டெல்டா மாவட்டங்களிலும் இன்று டிசம்பர் 17ம் தேதியும், டிசம்பர் 18ம் தேதியும் கனமழை பெய்ய வாய்ப்புள்ளதாகத் தெரிவிக்கப்பட்டுள்ளது. 

இன்று டிசம்பர் 17ம் தேதி கடலோர தமிழகத்தில் அநேக இடங்களிலும், உள் தமிழகத்தில் ஓரிரு இடங்களிலும், புதுவை மற்றும் காரைக்கால் பகுதிகளிலும், இடி, மின்னலுடன் கூடிய, லேசானது முதல் மிதமான மழை பெய்யக்கூடும்.  

விடுமுறை பள்ளி இன்று மழை கனமழை

செங்கல்பட்டு, விழுப்புரம், கடலூர், மயிலாடுதுறை மாவட்டங்களில் ஓரிரு இடங்களில் கன முதல் மிக கனமழையும், சென்னை, திருவள்ளூர், காஞ்சிபுரம், திருவாரூர், நாகப்பட்டினம் மாவட்டங்களில் ஒரு ருசில இடங்களில் கனமழையும் பெய்ய வாய்ப்புள்ளது.  நாளை டிசம்பர் 18ம் தேதி கடலோர தமிழகத்தில் அநேக இடங்களிலும், உள் தமிழகத்தில் ஒருசில இடங்களிலும், புதுவை மற்றும் காரைக்கால் பகுதிகளிலும், இடி, மின்னலுடன் கூடிய, லேசானது முதல் மிதமான மழை பெய்யக்கூடும்.

சென்னை, செங்கல்பட்டு, திருவள்ளூர், காஞ்சிபுரம், கடலூர், விழுப்புரம் மாவட்டங்களில் ஓரிரு இடங்களில் கன முதல் மிக கனமழையும், ராணிப்பேட்டை, திருவண்ணாமலை, கள்ளக்குறிச்சி, வேலூர், அரியலூர், மயிலாடுதுறை மாவட்டங்களில் ஓரிரு இடங்களில் கனமழையும் பெய்ய வாய்ப்புள்ளதாகத் தெரிவிக்கப்பட்டுள்ளது.

மார்கழி மாத விரத முறைகள், வழிபாடு, பலன்கள்!

ஐயப்ப பக்தர்கள் தினசரி சொல்ல வேண்டிய ஸ்லோகம் இது தான்!

ஐயப்பன் பக்தர்கள் தெரிஞ்சிக்கோங்க ... சபரிமலை சுவாரஸ்யங்கள்!

விட்டேனா பார்!! ராஜநாகத்துடன் ஆக்ரோஷமாக சண்டையிடும் கோழி!!

From around the web