சினிமாவை விஞ்சிய பயங்கரம்.. போலீசிடம் சிக்கிய போதைப்பொருள் விற்பனை கும்பல்!
கோவையில் கல்லூரி மாணவர்களை குறிவைத்து போதைப்பொருள் விற்பனை செய்யும் கும்பலை பிடிக்க மாநகர போலீஸ் கமிஷனர் தலைமையில் தனிப்படை அமைக்கப்பட்டது. தனிப்படையினர் நடத்திய தீவிர விசாரணையின் முடிவில் கடந்த மே 17ம் தேதி போதைப்பொருள் விற்பனையில் ஈடுபட்ட 6 பேர் கொண்ட கும்பல் கைது செய்யப்பட்டது.கௌதம், அபிமன்யு, பாசில், முகமது அர்சித், இஜாஸ், பெவின் ஆகிய 6 பேரிடம் இருந்து 102 கிராம் போதைப்பொருள் பறிமுதல் செய்யப்பட்டது.
இந்நிலையில், பிடிபட்டவர்களுக்கு போதைப் பொருள்களை திண்டுக்கல்லைச் சேர்ந்த பிரவீன்குமார், கோவை ராமநாதபுரத்தைச் சேர்ந்த வினோத் ஆகியோர் விநியோகிப்பது போலீஸாருக்குத் தெரியவந்தது. இவர்கள் இருவரும் பெங்களூரு, தார்வார் மற்றும் கர்நாடகாவின் பிற பகுதிகளில் இருந்து போதைப்பொருள் கடத்தியது தெரியவந்தது.
இதையடுத்து, பிரவீன்குமார், வினோத் ஆகிய இருவரையும் கைது செய்து போலீஸார் விசாரித்தபோது, போதைப்பொருள் கடத்தலில் முக்கியப் பங்காற்றியது கென்யாவைச் சேர்ந்த இவி.பொனுகே (26) என்ற பெண் என்பது தெரியவந்தது. மேலும் அவரிடம் நடத்தப்பட்ட விசாரணையில் அவருக்கு மேலும் பல சர்வதேச தரத்தில் போதைப்பொருள் தொடர்புகள் இருப்பது அதிர்ச்சியளிக்கும் வகையில் உறுதி செய்யப்பட்டுள்ளது.
கைதான கென்யாவைச் சேர்ந்த இ.வி.போனுகே, தார்வார் பகுதியில் உள்ள கல்லூரியில் தங்கி சட்டம் பயின்று வந்ததும், படிப்பை முடிக்காமல் விசா காலாவதியாகி தார்வார், பெங்களூரு உள்ளிட்ட பகுதிகளில் தங்கி இருப்பதும் தெரியவந்தது. தனிப்படையினர் நடத்திய சோதனையில் தெரியவந்த மற்ற விஷயங்கள்- உகாண்டா இவி. பொனுகேவின் கூட்டாளியான காவோன்கே, சிறையில் இருந்தபோது சர்வதேச போதைப்பொருள் விற்பனையாளர்களுடன் தொலைபேசியில் தொடர்பு கொண்டுள்ளார்.
அந்தத் தகவலை அவர் இவி பொனுகே பெற்று, அதன் அடிப்படையில் EV போனுகே அந்தந்த இடங்களுக்குச் செல்வார். இவி பொனுகே நேரடியாக எங்கும் போதைப்பொருள் விற்பனை செய்யவில்லை. மாறாக, ஆன்லைனில் பணம் பெற்று போதைப்பொருள் வைக்கப்பட்டுள்ள இடத்தை மட்டும் அனுப்பி விற்பனையில் ஈடுபட்டு வந்துள்ளார். உகாண்டாவைச் சேர்ந்த மற்றொரு நண்பரான டேவிட் என்பவருக்கு கென்யா நாட்டுப் பெண் இவி போனுகே பணத்தை அனுப்பியுள்ளார். அந்த டேவிட் டெல்லியில் தொடங்கிய வங்கிக் கணக்கிற்கு அனுப்பி பணம் சம்பாதித்து வந்துள்ளார்.
இந்த வங்கிக் கணக்கில் 49 லட்சம் இருந்ததை கண்ட தனிப்படையினர் முடக்க நடவடிக்கை எடுத்து வருகின்றனர். மேலும், கோவை சிறப்புக் காவல் படையினர் கர்நாடக போலீஸார் மூலம் கவோன்கேயை கைது செய்ய நடவடிக்கை எடுத்து வருகின்றனர். இதனிடையே, தற்போது கைது செய்யப்பட்டுள்ள கென்யா நாட்டு பெண் உள்பட 3 பேரும் கோவை நீதிமன்றத்தில் ஆஜர்படுத்தப்பட்டு சிறையில் அடைக்கப்பட்டனர்.
காதலித்து கர்ப்பமாக்கிய காதலன்... கைக்குழந்தையுடன் காதலி தர்ணா!
லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!
அப்படியே சாப்பிடுவேன்!! 5 அடி முதலையை விழுங்கும் மலைப்பாம்பு!