மனைவி இறந்த சோகத்தில் கணவர் தூக்கிட்டு தற்கொலை!

தூத்துக்குடியில் மனைவி இறந்த சோகத்தில் கணவர் தூக்குபோட்டு தற்கொலை செய்து கொண்டார். 

தூத்துக்குடி ராமசாமிபுரம் 2வது தெருவைச் சேர்ந்தவர் ஆறுமுகம் மகன் முத்து (59) இவர். இவரது மனைவி அன்னலட்சுமி. இவருக்கு 2 மகள்கள் ஒரு மகன் உள்ளனர். முத்து திருச்செந்தூர் ரோட்டில் உள்ள பெயிண்ட் கம்பெனியில் லோடுமேன் ஆக வேலை பார்த்து வருகிறார். 

கடந்த மூன்று மாதங்களுக்கு முன்பு அவரது மனைவி அன்னலட்சுமி உடல்நலம் சரியில்லாமல் இறந்து விட்டாராம். இதனால் வாழ்க்கையில் விரக்தியடைந்த முத்து 3 முறை வீட்டில் தூக்கு போட்டு தற்கொலை செய்து கொள்ள முயற்சி செய்து உள்ளார். உறவினர்கள் அவரை மீட்டு காப்பாற்றியுள்ளனர். இந்த நிலையில் நேற்று இரவு 11 மணி அளவில் தனது வீட்டில் அவர் சேலையால் தூக்கு போட்டுக் கொண்டார். 

அப்போது வீட்டிற்கு வந்த அவரது மருமகன், அவரை மீட்டு ஆட்டோ மூலம் தூத்துக்குடி அரசு மருத்துவமனைக்கு கொண்டு சென்றுள்ளார். அங்கு பரிசோதனை செய்த டாக்டர் அவர் ஏற்கனவே இறந்து விட்டதாக தெரிவித்தார். இதையடுத்து அவரது உடல் பரிசோதனைக்காக கொண்டு செல்லப்பட்டது. இந்த சம்பவம் குறித்து தென்பாகம் காவல் நிலைய இன்ஸ்பெக்டர் திருமுருகன் வழக்கு பதிவு செய்து விசாரணை நடத்தி வருகிறார்.

இதையும் பிடிச்சிருந்தா படிச்சு பாருங்க

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்

பளபளக்கும் மிருதுவான சருமத்திற்கு இதை மட்டும் செய்தாலே போதும்!!

நாப்கின்களால் ஏற்படும் ரேசஸ் மற்றும் எரிச்சலை போக்க இயற்கை வழிகள்!!

உங்க நட்சத்திரத்துக்கு லாபம் தரும் துறை எது?