மாதம்பட்டி ரங்கராஜ் கர்ப்பமாக்கி ஏமாற்றி விட்டார் - ஜாய் கிரிஸில்டா புகார்!
தன்னை மாதம்பட்டி ரங்கராஜ் கர்ப்பமாக்கி ஏமாற்றி விட்டார் என்று ஜாய் கிரிஸில்டா புகாரளித்துள்ளது பரபரப்பை ஏற்படுத்தியுள்ளது.
கடந்த சில வாரங்களுக்கு முன்பு பிரபல ஆடை வடிவமைப்பாளர் ஜாய் கிரிஸில்டா மாதம்பட்டி ரங்கராஜுடன் திருமணம் ஆன புகைப்படத்தை வெளியிட்டிருந்தது குறிப்பிடத்தக்கது. பிரபலங்களின் வீட்டு விசேஷங்களில் சமையல் என்றாலே மாதம்பட்டி ரங்கராஜ் எனுமளவிற்கு பிரபலமடைந்தவர் ரங்கராஜ், கடந்த 2019ல் வெளியான 'மெஹந்தி சர்கஸ்' படம் மூலம் தமிழ் சினிமாவில் அறிமுகமானார். இந்த மக்கள் ரசிகர்களிடையே வரவேற்பை பெற்றதைத் தொடர்ந்து கேசினோ, மிஸ் மேகி, பெண்குயின் போன்ற படங்களிலும் முக்கிய கதாபாத்திரங்களில் நடித்துள்ளார்.
Mr & Mrs Rangaraj #madhampattyrangaraj ❤️ pic.twitter.com/kRSWAvbZ5n
— Joy Crizildaa (@joy_stylist) July 26, 2025
தற்போது குக் வித் கோமாளி நிகழ்ச்சியில் நடுவராக இருக்கும் மாதம்பட்டி ரங்கராஜுக்கு ஏற்கனவே திருமணமாகி 2 குழந்தைகள் உள்ளனர். இந்நிலையில் கடந்த சில காலமாகவே மாதம்பட்டி ரங்கராஜ் தனது மனைவி ஸ்ருதியிடம் இருந்து பிரிய போவதாகவும், ஆடை வடிவமைப்பாளர் ஜாய் கிரிஸில்டாவைக் காதலித்து வருவதாகவும் கிசுகிசுக்கப்பட்டது.
திரை பிரபலங்களுக்கு ஆடை வடிவமைப்பாளராக இருக்கும் ஜாய் கிரிஸில்டா பொன் மகள் வந்தாள் படத்தின் இயக்குநர் ஜே.ஜே. பெட்ரிக் என்பவரை திருமணம் செய்த நிலையில் கடந்த 2023ல் இருவரும் பிரிவதாக அறிவித்தனர். சமீபத்தில் மாதம்பட்டி ரங்கராஜுக்கும் தனக்கும் திருமணம் ஆன புகைப்படத்தை ஜாய் கிரிஸில்டா வெளியிட்டு, தான் 6 மாத கர்ப்பமாக இருப்பதாக பதிவிட்டிருந்தார். அதைத்தொடர்ந்து இருவரும் முத்தம் கொடுத்துக் கொள்ளும் வீடியோவை வெளியிட்டிருந்தார்.
இந்நிலையில் மாதம்பட்டி ரங்கராஜ் தனது முதல் மனைவியை விவாகரத்து செய்யாமல் எப்படி இரண்டாவது திருமணம் செய்து கொள்ள முடியும் என்ற விவாதம் இணையத்தில் வைரலானது. இந்நிலையில் சமீபத்தில் மாதம்பட்டி ரங்கராஜ் தனது இன்ஸ்டாகிராம் பக்கத்தில் இருந்து ஜாய் கிரிஸில்டாவுடன் எடுத்த அனைத்து போட்டோவையும் டெலிட் செய்து விட்டார். தற்போது மாதம்பட்டி ரங்கராஜ் தன்னை ஏமாற்றி விட்டதாக ஜாய் கிரிஸில்டா சென்னை காவல் ஆணையரகத்தில் புகார் அளிக்க உள்ளதாக தகவல் வெளியாகியுள்ளது.
இதையும் பிடிச்சிருந்தா படிச்சு பாருங்க
லட்சத்துல கடன் இருந்தாலும் ஈஸியா தீர்க்கும் எளிய பரிகாரம்
பளபளக்கும் மிருதுவான சருமத்திற்கு இதை மட்டும் செய்தாலே போதும்!!
நாப்கின்களால் ஏற்படும் ரேசஸ் மற்றும் எரிச்சலை போக்க இயற்கை வழிகள்!!