கோடநாடு வழக்கு விசாரணை டிசம்பர் 19ம் தேதிக்கு மாற்றம்!

நீலகிரி மாவட்டம் கோத்தகிரி அருகே உள்ள கோடநாடு எஸ்டேட்டில் கடந்த 2017ம் ஆண்டு இடம்பெற்ற காவலாளர் கொலை மற்றும் கொள்ளை வழக்கின் விசாரணை மீண்டும் ஒத்திவைக்கப்பட்டது.

கோடநாடு எஸ்டேட்டில் பாதுகாப்புப் பணியில் இருந்த காவலாளி கொலை செய்யப்பட்டதும், பங்களாவில் இருந்த பல பொருட்கள் கொள்ளையடிக்கப்பட்டதும் தொடர்பாக முதலில் கோத்தகிரி போலீசார் 10 பேரை கைது செய்தனர். பின்னர் வழக்கின் நெளிவுத்தன்மையை கருத்தில் கொண்டு, இது சிபிசிஐடி-க்கு மாற்றப்பட்டது. தற்போது இந்த வழக்கு நீலகிரி மாவட்ட அமர்வு நீதிமன்றத்தில் தொடர்ந்து விசாரணைக்கு வருகிறது.

மாவட்ட நீதிபதி முரளிதரன் முன்னிலையில் நேற்று நடந்த அமர்வில், விசாரணையை மேற்கொண்டு வரும் சிபிசிஐடி ஏடிஎஸ்பி முருகவேல் தலைமையிலான போலீஸார் நீதிமன்றத்தில் ஆஜரானனர். அதேபோல குற்றம் சாட்டப்பட்டுள்ள கேரள மாநிலத்தைச் சேர்ந்த வாளையாறு மனோஜ், ஜித்தின் ஜாய் ஆகியோரும் முன்னிலைப்படுத்தப்பட்டனர்.

வழக்கின் சிக்கலான அம்சங்களை நிறைவு செய்ய மேலும் கால அவகாசம் தேவைப்படுவதாக அரசுத் தரப்பில் மனு தாக்கல் செய்யப்பட்டது. இதனை பரிசீலித்த மாவட்ட நீதிபதி முரளிதரன், வழக்கு மேலதிக விசாரணைக்காக டிசம்பர் 19-ஆம் தேதிக்கு தள்ளிவைத்து உத்தரவிட்டார்.

இதையும் பிடிச்சிருந்தா படிச்சு பாருங்க

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்

ஐப்பசி மாசத்துல இந்த 6 ராசிக்காரர்களுக்கும் அதிர்ஷ்ட மழை

ஐப்பசியில இந்த 6 ராசிக்காரங்க யாருக்கும் ஜாமீன் கையெழுத்து போடாதீங்க

வாழ்வில் செல்வமும், அதிர்ஷ்டமும் கிடைக்க இதை மறக்காதீங்க!