விட்டு சென்ற கள்ளக்காதலி.. கோபத்தில் தொழிலதிபரை சரமாரியாக வெட்டிக் கொன்ற மேஸ்திரி.. விசாரணையில் அதிர்ச்சி!
சேலம் மாவட்டம் ஓமலூர் அருகே உள்ள கருப்பூர் ஏரிக்காடு பகுதியை சேர்ந்தவர் சுபாஷ் சந்திரபோஸ். திருமணமாகாத இவர், மேச்சேரி அருகே பறவைக்காடு பகுதியில் பிளாஸ்டிக் பொருட்களை உருக்கி மூலப்பொருட்கள் தயாரிக்கும் தொழிற்சாலையை வாடகைக்கு எடுத்து தொழில் செய்து வந்தார்.இந்நிலையில் கடந்த 28ம் தேதி அங்கு வந்த ஒருவர் திடீரென சரமாரியாக சரமாரியாக வெட்டியதில் சுபாஷ் சந்திரபோஸ் உயிரிழந்தார். அவரது சகோதரர் கந்தேஸ்வரன் கொடுத்த புகாரின் பேரில், மேச்சேரி போலீசார் வழக்குப்பதிவு செய்து விசாரித்தனர்.
மேட்டூர் டிஎஸ்பி ஆரோக்கியராஜ் தலைமையில் 5 தனிப்படைகள் அமைக்கப்பட்டு பறவைக்காடு , பொம்மியம்பட்டி, காமனேரி, சட்டப்பாடி ஆகிய பகுதிகளில் 100 பேரிடம் போலீசார் தீவிர விசாரணை நடத்தினர். கொலை நடந்த போது அப்பகுதியில் உள்ள செல்போன் எண்கள் மற்றும் சிசிடிவி காட்சிகளை வைத்து விசாரணை நடத்தினர்.
இதில், சுபாஷ் சந்திரபோஸை கொல்ல பொம்மியம்பட்டியை சேர்ந்த கட்டிட தொழிலாளி வெங்கடேசன் திட்டமிட்டது தெரியவந்தது. போலீசார் தன்னை தேடுவதை அறிந்து தலைமறைவாக இருந்த வெங்கடேசன் அவ்வப்போது இருப்பிடத்தை மாற்றிக் கொண்டார். ஆனால், தனிப்படை போலீசார் செல்போன் சிக்னல் மூலம் அவரை அணுகினர். நேற்று சேலம் மாவட்டம் மின்னம்பள்ளி பகுதியில் பதுங்கியிருந்த அவரை சுற்றி வளைத்து கைது செய்தனர். அவரிடம் நடத்திய விசாரணையில் பரபரப்பு தகவல்கள் வெளியாகியுள்ளன.
அதாவது வெங்கடேசன் திருமணமாகி இரண்டு குழந்தைகளுடன் மனைவியை பிரிந்து வாழ்ந்து வந்தார். இரண்டரை ஆண்டுகளுக்கு முன், ஏற்காடு வேலைக்குச் சென்றபோது, கணவரைப் பிரிந்து, தேன் நிலவு என்ற பெண்ணுடன் பழக்கம் ஏற்பட்டது. அதன் பிறகு இருவரும் கணவன் மனைவியாக வாழ்ந்து வந்தனர்.
முதலில் பொம்மியம்பட்டி சென்றனர். அதன் பிறகு கருப்பூரில் குடியேறி வசித்து வந்தனர். கருப்பூரில் வசிக்கும் போது சுபாஷ் சந்திரபோஸுக்கும் தேன் நிலவுக்கும் பழக்கம் ஏற்பட்டது. அவரை அடிக்கடி சந்தித்து பேசியிருக்கிறார். இதையறிந்த வெங்கடேசன் அவர்களுக்கிடையேயான தொடர்பை துண்டிக்குமாறு கேட்டுக்கொன்றார்.
இருப்பினும், சுபாஷ் சந்திரபோஸ் அடிக்கடி தேன் நிலாவிடம் செல்போனில் பேசி வந்தார். இந்நிலையில், கடந்த 25ம் தேதி இரவு தேன் நிலவிடம் வெங்கடேசன் தகராறு செய்துள்ளார். சிறிது நேரத்தில்தேன் நிலவு வீட்டில் இருந்து காணாமல் போனார். சுபாஷ் சந்திரபோஸை தேடி தேன் நிலவு கருப்பூர் சென்றதாக சிலர் கூறியுள்ளனர்.
இதனால் ஆத்திரமடைந்த வெங்கடேசன், இருவரையும் தேடி பறவைக்காட்டுக்கு சென்றார். இருப்பினும், இரண்டு நாட்களாக ஒருவரை ஒருவர் பார்க்காததால், காதலியை மறைத்து வைத்திருக்க வேண்டும் என உறுதியாக நம்பினார். இதையடுத்து கடந்த 28ம் தேதி காலை பொம்மியம்பட்டியை சேர்ந்த தினேஷ் என்பவர் பைக்கில் பிளாஸ்டிக் தொழிற்சாலை நோக்கி வெங்கடேசன் சென்றார். வெங்கடேசன் மட்டும் ஆலைக்குள் சென்றார்.
அப்போது, அங்கு வந்த சுபாஷிடம், தேன் நிலவை எங்கே மறைத்து வைத்திருக்கிறாய் என்று கேட்டார். இதனால் அவர்களுக்குள் கடும் வாக்குவாதம் ஏற்பட்டது. அப்போது, ஆத்திரமடைந்த வெங்கடேசன் தான் மறைத்து வைத்திருந்த அரிவாளால் சரமாரியாக வெட்டினார். இதில் பலத்த காயம் அடைந்த சுபாஸ் ரத்த வெள்ளத்தில் சுருண்டு விழுந்து இறந்தது போலீஸ் விசாரணையில் தெரியவந்தது.
இதையடுத்து, கொலைக்கு பயன்படுத்திய கத்தி, பைக்கை பறிமுதல் செய்த போலீஸார், கொலைக்கு உடந்தையாக இருந்த பொம்மியம்பட்டியைச் சேர்ந்த தினேஷை கைது செய்து, மேட்டூர் நீதிமன்றத்தில் ஆஜர்படுத்தி, இருவரையும் சேலம் மத்திய சிறையில் அடைத்தனர்.
காதலித்து கர்ப்பமாக்கிய காதலன்... கைக்குழந்தையுடன் காதலி தர்ணா!
லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!
அப்படியே சாப்பிடுவேன்!! 5 அடி முதலையை விழுங்கும் மலைப்பாம்பு!