4 மாவட்டங்களில் மிதமான மழைக்கு வாய்ப்பு!

 தென்னிந்தியாவின் மேல்பகுதிகளில்  ஒரு வளிமண்டல மேலடுக்கு சுழற்சி நிலவி வருகிறது.  தென்மேற்கு பருவமழையும் தொடங்கியுள்ள நிலையில் தமிழகம், புதுவை, கேரளா, காரைக்கால் பகுதிகளில் பல பகுதிகளில் பரவலாக நல்ல மழை பெய்து வருகிறது. இது குறித்து வானிலை ஆய்வு மையம் வெளியிட்ட செய்திக்குறிப்பில் “ இன்று தமிழகத்தில்  நீலகிரி, கோவை,  ஈரோடு மற்றும் கிருஷ்ணகிரி மாவட்டங்களில் ஓரிரு இடங்களில் கனமழை பெய்யக்கூடும்.  ஜூன் 9 முதல் 14ம் தேதி வரை தமிழகம்,  புதுவை மற்றும் காரைக்கால் பகுதிகளிலும் லேசானது முதல் மிதமானது வரை மழை பெய்யக்கூடும்.

அடுத்த 5 நாட்களுக்கு தமிழகம், புதுவை மற்றும் காரைக்கால் பகுதிகளில், அதிகபட்ச வெப்ப நிலை 1* -2° செல்சியஸ் படிப்படியாக உயரலாம்.  சென்னையை பொறுத்தவரை  அடுத்த 24 மணி நேரத்திற்கு வானம் ஓரளவு மேகமூட்டத்துடன் காணப்படும். நகரின் ஒருசில பகுதிகளில் இடி மற்றும் மின்னலுடன் கூடிய லேசானது முதல்  மிதமானது வரை மழை பெய்யலாம் எனத் தெரிவிக்கப்பட்டுள்ளது.    அடுத்த 48 மணி நேரத்திற்கு வானம் ஓரளவு மேகமூட்டத்துடன் காணப்படும்.  

மன்னார் வளைகுடா,  தென் தமிழக கடலோரப்பகுதிகள், ஆந்திரக்கடல் பகுதிகள், வங்கக்கடல் மற்றும் குமரிக்கடல் பகுதிகளில் சூறாவளிக்காற்று  வீசக்கூடும். இதனையடுத்து இன்று முதல் ஜூன் 12ம் தேதி வரை இந்தப் பகுதிகளில் மீன்பிடிக்க செல்ல வேண்டாம் என எச்சரிக்கை விடுக்கப்பட்டுள்ளது.  

காதலித்து கர்ப்பமாக்கிய காதலன்... கைக்குழந்தையுடன் காதலி தர்ணா!

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!

அப்படியே சாப்பிடுவேன்!! 5 அடி முதலையை விழுங்கும் மலைப்பாம்பு!

விட்டேனா பார்!! ராஜநாகத்துடன் ஆக்ரோஷமாக சண்டையிடும் கோழி!