கோடிகளில் கொட்டும் பணம்... சொகுசு காரில் ரகசிய அறை... 200 கிலோ கஞ்சா பறிமுதல்!
கோடிகளில் பணம் கொட்டுகிறது. தினுசு தினுசாக கடத்துகிறார்கள். இவர்களுக்கு சரளமாக கஞ்சா கிடைக்கிறது. குழந்தைகளுக்கான சாக்லேட், ஐஸ்கிரீம், பள்ளி, கல்லூரி மாணவர்களுக்கு என்று தமிழகம் முழுவதுமே கஞ்சா போதைக்கு அடிமையாக்கும் முயற்சி நடைபெற்று வருகிறதோ என்று சந்தேகிக்கும் அளவுக்கு இவர்களது நெட்வொர்க் தொடர்ந்து கொண்டிருக்கிறது.
கஞ்சா பிடிபடாத நாளோ, கஞ்சா போதையில் நடக்காத குற்ற சம்பவங்கள் இல்லாத நாளோ இல்லை என்று கூறும் அளவுக்கு தினந்தோறும் ஏதோவொரு மாவட்டம் அதிர்கிறது. நடுரோட்டில் வெட்டிக் கொல்வதாகட்டும், காதலித்தவள் மீது கொலைவெறியுடன் தாக்குவது ஆகட்டும்... இவ்வளவு ஏன்.. .போலீசார் மீது கஞ்சா போதையில் சிறுவர்கள் அரிவாளால் வெட்டிய சம்பவத்திற்கு பிறகும் அரசு இதை இன்னமும் கண்டுக் கொள்ளாமல் இருப்பது வேதனை.
இந்நிலையில், நாகப்பட்டினம் மாவட்டத்தில் கஞ்சா கடத்தல் மற்றும் விற்பனையைத் தடுக்க மாவட்ட காவல் கண்காணிப்பாளர் ஹர்ஷ் சிங் உத்தரவின் பேரில் போலீசார் தீவிர வாகனச் சோதனையில் ஈடுபட்டு வருகின்றனர். அதன் ஒரு பகுதியாக கீழையூர் காவல் நிலைய எல்லைக்குட்பட்ட மேலப்பிடாகை பகுதியில் போலீசார் வாகனச் சோதனையில் ஈடுபட்டனர்.
அப்போது, வெளி மாவட்ட பதிவு எண் கொண்ட மூன்று சொகுசு கார்கள் வரிசையாக வந்தன. சந்தேகம் அடைந்த போலீசார் அந்த கார்களை மறித்து சோதனை நடத்தினர். அப்போது காருக்குள் சீட் கவர், கார் கதவு, டிக்கி என பல ரகசிய அறைகள் அமைக்கப்பட்டு அதில் கஞ்சா பொட்டலங்கள் கடத்தி வந்தது தெரிய வந்தது. இதையடுத்து, கடத்தலில் ஈடுபட்ட விழுப்புரம் மாவட்டம் திருக்கோவிலூரைச் சேர்ந்த தட்சணாமூர்த்தி, சிவமூர்த்தி, திருப்பூர் மாவட்டம் இடுவாய் பகுதியைச் சேர்ந்த மணிராஜ், புதுக்கோட்டை மாவட்டம் மணல்மேல்குடியைச் சேர்ந்த கவுதமன் ஆகிய 4 பேரை கைது செய்து விசாரணை நடத்தினர்.
விசாரணையில், ஒடிசா மாநிலத்தில் இருந்து காரில் கடத்தி வரப்பட்ட ரூ.50 லட்சம் மதிப்புள்ள கஞ்சா பொட்டலங்கள், வேதாரண்யம் வழியாக இலங்கைக்கு படகு மூலம் கடத்த இருந்தது தெரியவந்தது. இதையடுத்து அவர்களிடம் இருந்து 200 கிலோ கஞ்சா, 3 சொகுசு கார்கள், விலை உயர்ந்த செல்போன்கள் பறிமுதல் செய்யப்பட்டன. கைப்பற்றப்பட்ட கஞ்சா மற்றும் சொகுசு கார்களை கீழையூர் காவல் நிலையத்தில் மாவட்ட காவல் கண்காணிப்பாளர் ஹர்ஷ் சிங் நேரில் ஆய்வு செய்தார்.
அதன்பின் செய்தியாளர்களிடம் பேசிய அவர், ‘‘கடந்த ஓராண்டில் நாகை மாவட்டத்தில் மட்டும் இதுவரை இலங்கைக்கு கடத்தப்பட இருந்த 1200 கிலோ கஞ்சா பறிமுதல் செய்யப்பட்டுள்ளது. நாகையில் சொகுசு காரில் ரகசிய அறைகள் அமைத்து கஞ்சா கடத்தியவர்கள் கைது செய்யப்பட்ட சம்பவம் பரபரப்பை ஏற்படுத்தியுள்ளது.
காதலித்து கர்ப்பமாக்கிய காதலன்... கைக்குழந்தையுடன் காதலி தர்ணா
லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!
அப்படியே சாப்பிடுவேன்!! 5 அடி முதலையை விழுங்கும் மலைப்பாம்பு!