தவெக ஆர்ப்பாட்டத்தில் 25க்கும் மேற்பட்ட தொண்டர்கள் அடுத்தடுத்து மயக்கம்.!

 
தமிழக வெற்றிக் கழகம்  சார்பில் இன்று ஜூலை 13ம் தேதி சென்னை சிவானந்தா சாலையில் ஆர்ப்பாட்டம் நடைபெற்றது. இந்த  ஆர்ப்பாட்டத்தில், கூட்ட நெரிசலாலும், வெயிலின் தாக்கத்தாலும் பல தொண்டர்கள், குறிப்பாக பெண் தொண்டர்கள், மயக்கமடைந்தனர். இந்த ஆர்ப்பாட்டம், சிவகங்கை மாவட்டம் திருப்புவனத்தில் அஜித்குமாரின் லாக்கப் மரணத்திற்கு நீதி கோரி நடத்தப்பட்டது.
இந்த ஆர்ப்பாட்டத்தில் கலந்து கொண்டு உரையாற்றிய  தவெக தலைவர் விஜய், “திமுக மாடல் சர்க்கார், இப்போது சாரிம்மா மாடல் சர்க்காராக மாறிவிட்டது. எல்லாத்துக்கும் நீதிமன்றம் தலையிட்டு கேள்வி கேட்கணும்னா, பின் நீங்கள் எதுக்கு? உங்க ஆட்சி எதுக்கு? உங்க CM பதவி எதுக்கு சார்?” என சரமாரியாக கேள்வி எழுப்பியிருந்தார்.

இந்நிலையில், வெயில் மற்றும் கூட்ட நெரிசல் காரணமாக 25-க்கும் மேற்பட்டோர் மயக்கமடைந்ததாக தகவல் வெளியாகியுள்ளது. மயக்கமடைந்த தொண்டர்களுக்கு உடனடியாக முதலுதவி அளிக்கப்பட்டு, தண்ணீர் வழங்கப்பட்டது.

மேலும், மயக்கமடைந்தவர்களுக்கு உடனடியாக முதலுதவி அளிக்கப்பட்டு, ஒரு பெண் நிர்வாகி உட்பட சிலர் ஆம்புலன்ஸ் மூலம் மருத்துவமனைக்கு கொண்டு செல்லப்பட்டனர். பாதுகாப்பு கருதி, 1,500-2,000 போலீசார் பணியில் ஈடுபடுத்தப்பட்டிருந்தனர், மேலும் 8-க்கும் மேற்பட்ட ஆம்புலன்ஸ்கள் தயார் நிலையில் வைக்கப்பட்டிருந்தன.
இருப்பினும், கூட்ட நெரிசல் மற்றும் வெயிலின் தாக்கம் காரணமாக இத்தகைய நிகழ்வுகள் ஏற்பட்டதாகவும், ஆர்ப்பாட்டத்தின் ஏற்பாடுகளில் குறைபாடுகள் இருந்ததாகவும் தொண்டர்கள் கூறியுள்ளனர்.

இதையும் பிடிச்சிருந்தா படிச்சு பாருங்க

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்

பளபளக்கும் மிருதுவான சருமத்திற்கு இதை மட்டும் செய்தாலே போதும்!!

நாப்கின்களால் ஏற்படும் ரேசஸ் மற்றும் எரிச்சலை போக்க இயற்கை வழிகள்!!

உங்க நட்சத்திரத்துக்கு லாபம் தரும் துறை எது?