ரூ.41,479 கோடி ஆர்டர் புக்... புதிதாக ரூ.2,724.63 கோடிக்காண ஆர்டர்... மலைக்க வைக்கும் மசாகன் டாக்!
Mazagon Dock Shipbuilders Ltd நிறுவனம், இரண்டாவது ஷிஷுமர் வகுப்பு நீர்மூழ்கிக் கப்பலான INS SHANKUSHன் மீடியம் ரீஃபிட் கம் லைஃப் சான்றிதழுக்கான (MRLC) இந்திய கடற்படையுடன் ஒப்பந்தத்தில் கையெழுத்திட்டதாக தெரிவித்துள்ளது. ஆர்டரின் மதிப்பு சுமார் ரூபாய் 2724.63 கோடி.
நேற்றைய நாளான திங்களன்று, பிஎஸ்இ-யில் அதிக லாபம் ஈட்டிய நிறுவனங்களில் ஒன்றான மசாகன் டாக் ஷிப் பில்டர்ஸ் லிமிடெட் பங்குகள் அதன் முந்தைய முடிவான ரூபாய் 1,246.85ல் இருந்து ரூபாய் 1,341 இன் இன்ட்ராடே அதிகபட்சமாக 7.56 சதவீதம் உயர்ந்தது. மேலும் பங்கு ஒன்றுக்கு ரூபாய் 1,341 என்ற புதிய 52 வார உச்சத்தில் வர்த்தகமானது.
காலாண்டு முடிவுகளின்படி, நிகர விற்பனை 48.85 சதவிகிதம் அதிகரித்து ரூபாய் 2,079 கோடியாகவும், நிகர லாபம் 104.80 சதவிகிதம் உயர்ந்து 2023ம் காலாண்டில் ரூபாய் 318 கோடியாக உயர்ந்துள்ளது. ஆண்டு முடிவுகளின்படி, நிதியாண்டின் நிகர விற்பனை 36.52 சதவிகிதம் அதிகரித்து ரூபாய் 7,827 கோடியாகவும், நிகர லாபம் 85.77 சதவிகிதம் அதிகரித்து 1,073 கோடி ரூபாயாகவும் இருந்தது. மார்ச் 31, 2023 நிலவரப்படி இந்நிறுவனத்தின் ஆர்டர் புத்தகம் ரூபாய் 38,755 கோடியாக இருக்கிறது. மேற்கண்ட ஆர்டரையும் சேர்த்து, நிறுவனத்தின் ஆர்டர் புத்தகம் ரூபாய் 41,479.63 கோடியாக உயர்ந்துள்ளது.
Mazagon Dock Shipbuilders Ltd முதன்மையாக கப்பல்கள், நீர்மூழ்கிக் கப்பல்கள் மற்றும் பல்வேறு வகையான கப்பல்கள் மற்றும் பல்வேறு உள்நாட்டு மற்றும் சர்வதேச வாடிக்கையாளர்களுக்கு தொடர்புடைய பொறியியல் தயாரிப்புகளை உருவாக்கி பழுதுபார்ப்பதில் ஈடுபட்டுள்ளது. இது 1934ல் ஒரு தனியார் வரையறுக்கப்பட்ட நிறுவனமாக இணைக்கப்பட்டது மற்றும் 1960ல் இந்திய அரசாங்கத்தால் கையகப்படுத்தப்பட்டது. இந்நிறுவனத்தின் பங்குகள் பிஎஸ்இயில் 1.50 மடங்குக்கு மேல் அதிகரித்தன. இந்த பங்கு ஒரு வருடத்தில் மல்டிபேக்கர் வருவாயை 440 சதவிகிதம் கொடுத்தது, முதலீட்டாளர்கள் இந்தப் பங்கின் மீது ஒரு கண் பதிக்க வேண்டும் என்கிறார்கள் சந்தை வல்லுநர்கள்.
இதையும் பிடிச்சிருந்தா படிச்சு பாருங்க
பொலிவான பிரகாசிக்கும் சருமத்திற்கு இதை மட்டும் செய்தாலே போதும்!!