ஆர்டர் செய்தது பன்னீர்.. வந்தது சிக்கன்.. எக்ஸ் தளத்தில் குமுறிய இளம்பெண்!
பாலக் பன்னீர் ஆர்டர் செய்பவருக்கு Zomatoவின் அதிர்ச்சி குறித்த X தள பதிவு சமூக வலைதளங்களில் வைரலாகி வருகிறது.உணவு டெலிவரி ஆப்ஸைப் பயன்படுத்துபவர்களின் எண்ணிக்கை கடந்த சில ஆண்டுகளாக படிப்படியாக அதிகரித்து வருகிறது. இந்த ஆப்ஸ் வீட்டிலேயே உணவு பிரியர்களை உருவாக்குவதுடன் நேரத்தையும் மிச்சப்படுத்துகிறது. உணவு செயலிகளின் வளர்ச்சி நாளுக்கு நாள் அதிகரித்து வந்தாலும், அவற்றின் மீது சுமத்தப்படும் குற்றச்சாட்டுகள் தொடர்கின்றன. உணவின் தரம், காலதாமதமாக வழங்குதல், தவறான பொருட்களை வழங்குதல் போன்ற பிரச்னைகளும் தொடர்கின்றன.
Have ordered the Palak Paneer soya matar and millet Pulao thru Zomato from Eatfit. Instead of Palak Paneer they have served chicken Palak. Delivering Chicken in Saawan is not acceptable when I have selected only vegetarian food.@zomato @zomatocare @deepigoyal @the_eatfit pic.twitter.com/pv46hoOXjT
— himanshi (@himisingh01) July 28, 2024
இந்நிலையில், X பயனர் ஹிமான்சி வெளியிட்டுள்ள பதிவில், Zomato வழியாக Eatfit என்ற உணவகத்தில் பாலக் பன்னீர் , சோயா மட்டர் மற்றும் மில்லட் புலா ஆர்டர் செய்திருந்தேன். நான் சைவ உணவுகளை மட்டுமே ஆர்டர் செய்தேன், பாலக் பன்னீருக்கு பதிலாக சிக்கன் பன்னீர் அனுப்பினார்கள். இது ஏற்றுக்கொள்ள முடியாதது என்று பதிவிட்ட அவர், தனக்கு பரிமாறப்பட்ட உணவின் புகைப்படத்தையும் பதிவிட்டுள்ளார்.
இதனை கவனத்தில் கொண்ட Zomato, தவறுக்கு மன்னிப்பு கேட்டுள்ளதுடன், உணவு பரிமாற்றம் குறித்து விசாரணை நடத்தப்படும் என தெரிவித்துள்ளது. அந்த குறிப்பில், இந்த சம்பவம் உங்களை எந்தளவு பாதித்திருக்கும் என்பதை நாங்கள் புரிந்துகொள்கிறோம். உங்கள் உணவு விருப்பங்களை நாங்கள் மிகவும் தீவிரமாக எடுத்துக்கொள்கிறோம் மற்றும் அவற்றை மதிக்கிறோம். ஒருபோதும் அவமரியாதை எடுத்து கொள்ளாதீர்கள். இந்தச் சிக்கலைச் சரிசெய்ய சிறிது நேரம் கொடுங்கள். இதற்கான தீர்வோடு விரைவில் உங்களை மீண்டும் சந்திப்போம் என குறிப்பிட்டுள்ளனர்.
அதேபோல், சம்பந்தப்பட்ட உணவகங்களும் ஹிமான்சியிடம் மன்னிப்பு கேட்டுள்ளன. அவர்களின் பதிவில், உங்களுக்கு ஏற்பட்ட விரும்பத்தகாத அனுபவத்திற்காக நாங்கள் மிகவும் வருந்துகிறோம். இந்த சிக்கலை உடனடியாக சரிசெய்வோம். உங்கள் ஆர்டர் மற்றும் தொடர்பு விவரங்களை மெசேஜ் செய்யுங்கள் என்று அதில் கூறப்பட்டுள்ளது. இந்த பதிவுகள் தற்போது சமூக வலைதளங்களில் வைரலாகி வருகிறது. இதற்கு நெட்டிசன்கள் பலரும் சாப்பாடு உணர்வு பூர்வமானது என பல்வேறு கருத்துக்களை பதிவிட்டு வருகின்றனர்.
காதலித்து கர்ப்பமாக்கிய காதலன்... கைக்குழந்தையுடன் காதலி தர்ணா!
லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!
அப்படியே சாப்பிடுவேன்!! 5 அடி முதலையை விழுங்கும் மலைப்பாம்பு!