பாமக சட்டமன்றக்குழு கொறடா அருளை நீக்கிடுங்க... எம்.எல்.ஏக்கள் சட்டப்பேரவைச் செயலாளரிடம் மனு !

 
பாட்டாளி மக்கள் கட்சியின்  சட்டமன்றக் குழு கொறடாவாக உள்ள சேலம் மேற்கு எம்எல்ஏ அருள். இவரை மாற்ற வேண்டி, பாமக எம்எல்ஏக்கள் வெங்கடேஸ்வரன், சதாசிவம், மற்றும் மயிலம் எம்எல்ஏ சிவக்குமார் ஆகியோர் சட்டப்பேரவைச் செயலாளரிடம் மனு அளிக்க இருப்பதாக தகவல்கள் வெளியாகியுள்ளன.  இந்த மனு, புதிய கொறடாவாக மயிலம் எம்எல்ஏ சிவக்குமாரை நியமிக்கக் கோருவதற்காக இன்று  சமர்ப்பிக்கப்பட உள்ளதாக தகவல்கள் தெரிவிக்கின்றன.  

இந்த மனு, கட்சித் தலைவர் அன்புமணி ராமதாஸ், எம்எல்ஏ அருளை கட்சியிலிருந்து நீக்கியதைத் தொடர்ந்து  வெடித்துள்ளது.  அன்புமணி, அருள் கட்சி ஒழுங்கை மீறியதாகவும், தலைமையை விமர்சித்ததாகவும் கூறி, ஒழுங்கு நடவடிக்கைக் குழுவின் பரிந்துரையின் பேரில் அவரை நீக்கியிருந்தார். அறிக்கை ஒன்றை வெளியீட்டு அவரை நீக்கிய காரணத்தையும் அன்புமணி விளக்கமாக தெரிவித்திருந்தார். அதே நேரத்தில்  கட்சி நிறுவனர் டாக்டர் எஸ். ராமதாஸ், அருளை நீக்கும் அதிகாரம் அன்புமணிக்கு இல்லை என திட்டவட்டமாக தெரிவித்துள்ளார். மேலும், அருள் தொடர்ந்து கொறடாவாக பணியாற்றுவார் என்று அறிவித்திருந்தார்.  

எம்எல்ஏக்கள் வெங்கடேஸ்வரன், சதாசிவம், மற்றும் சிவக்குமார் ஆகியோரின் இந்த மனு, அன்புமணியின் ஆதரவு பெற்ற முடிவாக கருதப்படுகிறது. இது, கட்சியின் சட்டமன்றக் குழுவில் புதிய தலைமையை நியமிக்க முயற்சிப்பதாக  பார்க்கப்படுகிறது,  இந்த மனு, 2026 சட்டமன்றத் தேர்தலை முன்னிட்டு பாமகவின் உள் அரசியல் இயக்கவியலை மேலும் சிக்கலாக்கலாம் என்கின்றனர் அரசியல் வல்லுனர்கள்.

இதையும் பிடிச்சிருந்தா படிச்சு பாருங்க

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்

பளபளக்கும் மிருதுவான சருமத்திற்கு இதை மட்டும் செய்தாலே போதும்!!

நாப்கின்களால் ஏற்படும் ரேசஸ் மற்றும் எரிச்சலை போக்க இயற்கை வழிகள்!!

உங்க நட்சத்திரத்துக்கு லாபம் தரும் துறை எது?