சிறுமியை பலாத்காரம் செய்தவருக்கு சாகும்வரை சிறை ... போக்சோ நீதிமன்றம் பரபரப்பு தீர்ப்பு!

நெல்லை அருகே சிறுமியை பலாத்காரம் செய்தவருக்கு சாகும்வரை சிறை தண்டனை விதித்து நெல்லை போக்சோ நீதிமன்றம் தீர்ப்பு அளித்தது. 

தூத்துக்குடி மாவட்டம் உடன்குடி களம்புது தெருவை சேர்ந்தவர் ஜகுபர் உசேன் (56). கூலி தொழிலாளியான இவர் நெல்லை அருகே உள்ள பர்கிட்மாநகர் பகுதியில் தங்கி இருந்து வேலைபார்த்து வந்தார். இவர் கடந்த 2023-ம் ஆண்டு 17 வயது சிறுமியான பள்ளி மாணவி ஒருவரை பலமுறை பாலியல் பலாத்காரம் செய்தார். இதில் அந்த சிறுமிக்கு குழந்தை பிறந்தது.

இதுகுறித்த புகாரின் பேரில் நெல்லை மாவட்ட ஊரக அனைத்து மகளிர் போலீசார் விசாரணை நடத்தினர். தொடர்ந்து போக்சோ சட்டத்தின் கீழ் ஜகுபர் உசேன் மீது வழக்குப்பதிந்து கைது செய்தனர். இந்த வழக்கு விசாரணை நெல்லை மாவட்ட போக்சோ சிறப்பு கோர்ட்டில் நடந்து வந்தது. நேற்று காலையில் நீதிபதி சுரேஷ்குமார் முன்னிலையில் இந்த வழக்கு மீண்டும் விசாரணைக்கு வந்தது. 

அப்போது வழக்கை விசாரித்த நீதிபதி, குற்றம் சாட்டப்பட்ட ஜகுபர் உசேனுக்கு சாகும் வரை சிறை தண்டனையும், ரூ.15 ஆயிரம் அபராதமும் விதித்து பரபரப்பு தீர்ப்பு கூறினார். இந்த வழக்கில் அரசு தரப்பில் வக்கீல் உஷா ஆஜரானார்.

இதையும் பிடிச்சிருந்தா படிச்சு பாருங்க

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்

பளபளக்கும் மிருதுவான சருமத்திற்கு இதை மட்டும் செய்தாலே போதும்!!

நாப்கின்களால் ஏற்படும் ரேசஸ் மற்றும் எரிச்சலை போக்க இயற்கை வழிகள்!!

உங்க நட்சத்திரத்துக்கு லாபம் தரும் துறை எது?