ஆகஸ்ட் மாதத்தில் சாதனை அளவாக மழைப்பொழிவு... இந்திய வானிலை ஆய்வு மையம் தகவல்!

இந்தியாவில் கடந்த ஆகஸ்ட் மாதத்தில் இயல்பை விட கூடுதலாக மழைப்பொழிவு இருந்ததாகவும், செப்டம்பரிலும் இந்த மழை நீடிக்கும் என எதிர்பார்க்கப்படுவதாகவும் இந்திய வானிலை ஆய்வு மையத்தின் இயக்குநர் ஜெனரல் மிருத்யுன்ஜெய் மொகபத்ரா தெரிவித்துள்ளார்.

இணையம் வழியே செய்தியாளர்கள் சந்திப்பில் பங்கேற்று பேசிய அவர், “நடப்பு ஆண்டு ஆகஸ்டு மாதத்தில், பல்வேறு மாநிலங்களில் எதிர்பாராத அளவுக்கு மழை பெய்துள்ளது. இதில் மாதத்தின் 2வது பாதியில் இயல்பை விட கூடுதலாக மிக அதிக அளவு மழைப்பொழிவு இருந்தது. அது செப்டம்பரிலும் நீடிக்கும் என எதிர்பார்க்கப்படுகிறது.

ஆகஸ்டில் இந்தியா முழுவதும் பெய்த மழையளவு 268.1 மி.மீ ஆகும். இது 2001ம் ஆண்டில் இருந்து 7வது முறையாக அதிகம் ஆகும். 1901ம் ஆண்டில் இருந்து 45வது அதிக மழை பொழிவாகும் என்றார்.

வடமேற்கு இந்தியாவில் 265.0 மி.மீ. மழை பெய்துள்ளது. இது 2001ம் ஆண்டில் இருந்து பெய்த அதிக மழைப்பொழிவு ஆகும். 1901-ம் ஆண்டில் இருந்து 13வது அதிக மழை பொழிவாகும் என்றார்.

தெற்கு தீபகற்ப இந்தியாவில் 250.6 மி.மீ. மழை பெய்துள்ளது. இது 2001-ம் ஆண்டில் இருந்து 3-வது அதிக மழைப்பொழிவு ஆகும். 1901ம் ஆண்டில் இருந்து 8வது அதிக மழை பொழிவாகும்” என்றார். 

இதையும் பிடிச்சிருந்தா படிச்சு பாருங்க

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்

பளபளக்கும் மிருதுவான சருமத்திற்கு இதை மட்டும் செய்தாலே போதும்!!

நாப்கின்களால் ஏற்படும் ரேசஸ் மற்றும் எரிச்சலை போக்க இயற்கை வழிகள்!!

உங்க நட்சத்திரத்துக்கு லாபம் தரும் துறை எது?