நாளை தனியார் பள்ளிகளுக்கு விடுமுறை... களைகட்டும் தவெக மாநாடு!

தவெகவின் 2வது மாநில மாநாடு மதுரையில், தூத்துக்குடி தேசிய நெடுஞ்சாலை பகுதியான பாரபத்தியில் நாளை ஆகஸ்ட் 21ம் தேதி வியாழக்கிழமை நடைபெற உள்ளது. இதற்காக  506 ஏக்கரில் இடம் தேர்வு செய்யப்பட்டு, மாநாட்டுக்கான ஏற்பாடுகள் மும்முரமாக நடந்து வருகிறது.  மாநாட்டு மேடை, இருக்கைகள், மின்விளக்குகள் அமைக்கும் பணிகள் இறுதிக்கட்டத்தை எட்டியுள்ளன. இரவு பகலாக பணிகள் நடைபெற்று வரும் நிலையில்  மாநாட்டுக்கு வருபவர்களுக்கு தேவையான அடிப்படை வசதிகளுக்கான பணிகளும் முழுவீச்சில் நடக்கின்றன.

மேடையில் இருந்து விஜய், தொண்டர்களை நடந்து சென்று சந்திக்க 300 மீட்டர் நீளத்தில் ரேம்ப் வாக்  அமைக்கப்பட்டு உள்ளது.  வெளி மாவட்டங்களில் இருந்து வருபவர்களுக்கான வழித்தடங்கள் அறிவிக்கப்பட்டு, வாகன பார்க்கிங் வசதிகளும் ஏற்பாடு செய்யப்பட்டு உள்ளன.  மாநாட்டு மேடை உச்சியில் செய்யப்பட்டுள்ள அலங்கார ஏற்பாடுகளில், அண்ணா, எம்.ஜி.ஆர். படங்களுடன் விஜய் இருப்பது போன்று வைக்கப்பட்டுள்ளது.

அதில், “வாகை சூடும் வரலாறு திரும்புகிறது, விஜய் வெற்றி பேரணியில் தமிழ்நாடு” என எழுதப்பட்டு இருப்பது அரசியல் வரலாற்றில் பெரும் பேசுபொருளாகியுள்ளது.  தி.மு.க. ஆட்சியை பிடித்த ஆண்டான 1967, அ.தி.மு.க. ஆட்சியை பிடித்த ஆண்டான 1977 ஆகியவற்றையும் குறிப்பிடும் வகையிலும், 2026-ல் விஜய் அரசியல் மாற்றத்தை ஏற்படுத்துவார்  என தவெக நிர்வாகிகள் விளக்கம் அளித்துள்ளனர்.  

இந்த மாநாடு  நாளை பிற்பகல் 3.15 மணிக்கு தொடங்கி இரவு 7.25 மணி வரை நடைபெறும் என அறிவிக்கப்பட்டுள்ளது.  முதலில் விஜய் 100 அடி உயர கொடிக்கம்பத்தில் கட்சி கொடியை  ஏற்றுகிறார். தொடர்ந்து, தமிழ்த்தாய் வாழ்த்து பாடல், கலை நிகழ்ச்சிகள், உறுதி மொழி ஏற்பு, கொள்கை விளக்க பாடல், தீர்மானம் நிறைவேற்றம் நடைபெறுகிறது.  மாநாட்டில் பங்கேற்க விஜய்யின் பெற்றோர் மதுரை வருகை புரிகின்றனர். தொண்டர்கள் பெரும் அளவில் கலந்து கொள்வார்கள் என எதிர்பார்க்கப்படுகிறது.  அதற்கான ஏற்பாடுகளை நிர்வாகிகள் தீவிரமாக செய்து வருகிறார்கள். இந்நிலையில் தவெக மாநாட்டை ஒட்டி எலியார்பத்தி, வலையங்குளம், காரியாபட்டியில் உள்ள தனியார் பள்ளி, கல்லூரிகளுக்கு நாளை விடுமுறை அளிக்கப்பட்டு இருப்பதாக  தகவல்கள் வெளியாகி உள்ளன.  

இதையும் பிடிச்சிருந்தா படிச்சு பாருங்க

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்

பளபளக்கும் மிருதுவான சருமத்திற்கு இதை மட்டும் செய்தாலே போதும்!!

நாப்கின்களால் ஏற்படும் ரேசஸ் மற்றும் எரிச்சலை போக்க இயற்கை வழிகள்!!

உங்க நட்சத்திரத்துக்கு லாபம் தரும் துறை எது?