எஸ்.இ.சி., சந்தை மதிப்பு ரூ.10 லட்சம் கோடி சரிந்தது... அதல பாதாளத்தில் அதானி ஷேர்கள்!

அதானி குழுமத்தின் பங்குகள் ஜூன் 23 குறுகிய விற்பனையாளர் ஹிண்டன்பர்க்கின் அறிக்கையைத் தொடர்ந்து அதானி தனது அமெரிக்க முதலீட்டாளர்களுக்கு அளித்த பிரதிநிதித்துவங்களை அதிகாரிகள் ஆராய்ந்து வருவதாக ப்ளூம்பெர்க் அறிக்கை தெரிவித்துள்ளது.

நேற்று வர்த்தகத்தின் முடிவில், முதன்மையான அதானி எண்டர்பிரைசஸ் NSEல் 6.83 சதவிகிதம் சரிந்து ரூபாய் 2,233.55 ஆகவும், அதானி போர்ட்ஸ் ரூபாய் 714.30 ஆகவும் இருந்தது, இது முந்தைய முடிவில் இருந்து 4.20  சதவிகிதம் குறைவாக இருந்தது. அதானி வில்மர், அதானி பவர் மற்றும் அதானி டிரான்ஸ்மிஷன் ஆகியவை 3 முதல் 6 சதவிகிதம் சரிந்தன.

இதைத் தொடர்ந்து, ஏசிசி, அம்புஜா சிமெண்ட்ஸ் மற்றும் என்டிடிவி உள்ளிட்ட குழுமத்தின் மொத்த சந்தை மூலதனம் இப்போது ரூபாய் 10 லட்சம் கோடிக்கும் கீழே உள்ளது. அறிக்கைகளின்படி, நிறுவன முதலீட்டாளர்களுக்கு ஈக்விட்டி பங்கு விற்பனை மூலம் சுமார் 3.5 பில்லியன் டாலர் திரட்டவும் குழு எதிர்பார்க்கிறது. இதற்காகவே நிறுவனம் அமெரிக்காவில் முதலீட்டாளர்களை சந்தித்தது. குழுமத்தின் மூலதனச் செலவுத் தேவைகளைப் பூர்த்தி செய்யும் நோக்கில் செல்லும் இந்த நிதி சேகரிப்பு, நடப்பு நிதியாண்டின் இரண்டாவது காலாண்டிற்குள் (ஜூலை-செப்டம்பர்) நிறைவடையும். மார்ச் முதல் வாரத்தில் நான்கு அதானி குழும நிறுவனங்களில் 1.87 பில்லியன் டாலர் முதலீடு செய்த GQG பார்ட்னர்ஸ் நிறுவனமும் சேரலாம் என்று தகவல்கள் தெரிவிக்கின்றன.

அமெரிக்கக் குறுகிய விற்பனையாளர் ஹிண்டன்பர்க் ரிசர்ச் ஜனவரி 24 அன்று வெளியிட்ட அறிக்கையில், கௌதம் அதானி தலைமையிலான குழு மோசடி மற்றும் பங்குச் சூழ்ச்சி என்று குற்றம் சாட்டியது, இந்தக் குற்றச்சாட்டை இந்தியக் குழுமம் மறுத்தது. இதைத் தொடர்ந்து, குழுமத்தின் சந்தை மூலதனம் ரூபாய் 7.5 லட்சம் கோடியாக சரிந்தது.

உச்சநீதிமன்றம் நியமித்த குழு, இந்நிறுவனங்களின் பங்கு விலையில் முறைகேடு நடந்ததற்கான எந்த ஆதாரமும் இல்லை எனவும் ஹிண்டன்பெர்க் அறிக்கையைத் தொடர்ந்து அதானி குழும விசாரணையில் தனது அறிக்கையை சமர்ப்பிக்க இந்திய பங்குகள் மற்றும் பரிவர்த்தனை வாரியத்திற்கு ஆகஸ்ட் 14ம் தேதியையும் நீதிமன்றம் காலக்கெடுவாக நிர்ணயித்துள்ளதால் இந்நிலை என்கிறார்கள் சந்தை வல்லுநர்கள் ஆக ஆக ஆகஸ்ட் 14ம் தேதி அறிக்கை வெளிவரும் வரை காத்திருப்பார்கள் முதலீட்டாளர்கள். ஆனாலும் ரிஸ்க் எடுக்க விரும்புபவர்களுக்கு ரஸ்க் கிடைக்கலாம்.

இதையும் பிடிச்சிருந்தா படிச்சு பாருங்க

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்

வீடியோ!  5 அடி முதலையை விழுங்கும் மலைப்பாம்பு!!

நாப்கின்களால் ஏற்படும் ரேசஸ் மற்றும் எரிச்சலை போக்க இயற்கை வழிகள்!!