தூத்துக்குடியில் பரபரப்பு... ஒரே குடும்பத்தைச் சேர்ந்த 3 பேருக்கு அரிவாள் வெட்டு... மருத்துவமனையில் அனுமதி!

தூத்துக்குடியில் குடும்பத் தகராறில் 3பேருக்கு அரிவாள் வெட்டு விழுந்தது. இது தொடர்பாக 4 பேரை போலீசார் கைது செய்துள்னர். 

தூத்துக்குடி தாளமுத்துநகர் அருகே உள்ள பூபாண்டியபுரம் கிராமத்தைச் சேர்ந்தவர் அழகு முத்து மகன் சரவணன். இவர், அ.சண்முகபுரத்தை சேர்ந்த விஜயலட்சுமி என்ற பெண்ணை திருமணம் செய்துள்ளார். இந்த தம்பதியர் பூபாண்டியாபுரத்தில் கூட்டுக்குடும்பமாக வசித்து வந்தனர். இந்நிலையில் கணவன் மனைவிக்குள் குடும்பத் தகராறு ஏற்பட்டது.

இந்நிலையில், விஜயலட்சுமியின் உறவினர்களான தூத்துக்குடி சுந்தரவேல் புரத்தை சேர்ந்த செல்வன் மகன் அந்தோணி ஜேசுராஜ் (27), அ.சண்முகபுரத்தை சேர்ந்த பால்ராஜ் மகன்கள் குமார் (50), முனியசாமி (47), ஆறுமுகம் (30) ஆகியோர் சமாதான பேச்சுவார்த்தை நடத்துவதற்காக வந்த போது தகராறு ஏற்பட்டது.

அப்போது அவர்கள் 4 பேரும் சேர்ந்து சரவணனின் தந்தை அழகுமுத்து (45), தங்க மாரியப்பன் மகன் மாரீஸ்வரன் (20), மகாராஜா மகன் மார்க்கண்டேயன் (22) மூன்று பேரையும் சரமாரியாக அரிவாளால் வெட்டினார்கள். இதில் பலத்த காயம் அடைந்த மார்க்கண்டேயன் உட்பட 3 பேரும் தூத்துக்குடி அரசு மருத்துவமனையில் சிகிச்சைக்காக அனுமதிக்கப்பட்டனர்.

இந்த சம்பவம் குறித்து புகாரின் பேரில் தாளமுத்து நகர் காவல் நிலைய போலீசார் கொலை முயற்சி வழக்கு பதிவு செய்து, அந்தோணி ஜேசுராஜ், முனியசாமி, குமார், ஆறுமுகம் ஆகிய 4 பேரையும் கைது செய்து விசாரணை நடத்தி வருகிறார்கள். இந்த சம்பவம் அந்த பகுதியில் பெரும் பரபரப்பை ஏற்படுத்தி உள்ளது.

இதையும் பிடிச்சிருந்தா படிச்சு பாருங்க

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்

பளபளக்கும் மிருதுவான சருமத்திற்கு இதை மட்டும் செய்தாலே போதும்!!

நாப்கின்களால் ஏற்படும் ரேசஸ் மற்றும் எரிச்சலை போக்க இயற்கை வழிகள்!!

உங்க நட்சத்திரத்துக்கு லாபம் தரும் துறை எது?