அதிர்ச்சி.. ஓடும் பேருந்தில் இருந்து கழன்று சென்ற சக்கரம்.. பீதியடைந்த பயணிகள்!
சமீபகாலமாக தமிழகத்தில் அரசுப் பேருந்துகள் மிகவும் பழுதடைந்து சாலையில் ஓடுவதும், அதை வீடியோ எடுத்து விமர்சிப்பதும் தொடர் கதையாக உள்ளது. சமீபகாலமாக அரசு பஸ் ஒன்று பின்பக்க கண்ணாடி இல்லாமல் சென்றது, வழியில் படிக்கட்டுகள் இடிந்து விழுந்தது, கோடை மழையின் போது பஸ்சுக்குள் கனமழை பெய்தது என அரசு பஸ்கள் தொடர் விமர்சனங்களுக்கு உள்ளாகி வருகிறது.
இந்நிலையில், மயிலாடுதுறை மாவட்டம், சீர்காழி அருகே வடரங்கம் கிராமத்தில் மற்றொரு சம்பவம் நடந்துள்ளது. கிராம மக்கள் அனைவரும் பள்ளி, கல்லூரி, மாவட்ட அலுவலகம், காவல் நிலையம் என அனைத்துத் தேவைகளுக்கும் சீர்காழி நகரையே நம்பி உள்ளனர். இப்பகுதி மிகவும் பின்தங்கிய கிராமமாக இருப்பதால், அங்குள்ள பெரும்பாலான மக்கள் அரசு பொது போக்குவரத்தையே பயன்படுத்துகின்றனர்.
இந்நிலையில், வடரங்கில் இருந்து சீர்காழி நோக்கி ஏ8 அரசுப் பேருந்து பங்கட்டாங்குடி பகுதியில் பயணிகளை ஏற்றிக் கொண்டிருந்தது. அப்போது எதிர்பாராதவிதமாக அரசு பேருந்தின் இடதுபுற முன் சக்கரம் பஸ்சின் முன்பக்க சாலையில் தனியாக ஓடியது. இதைப் பார்த்த டிரைவர் சாமர்த்தியமாக பேருந்தை நிறுத்தியதால் பெரும் விபத்து தவிர்க்கப்பட்டது. இதனால் பெரும் உயிர்ச்சேதம் தவிர்க்கப்பட்டுள்ளது.
லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!
இனி உச்சம்... பணமழை கொட்டப்போகும் ராசிகள்!
அப்படியே சாப்பிடுவேன்!! 5 அடி முதலையை விழுங்கும் மலைப்பாம்பு!