அதிர்ச்சி... ஆனாலும் உண்மை... தந்தையின் சொத்தில் மகள்களுக்கு உரிமை குறைவா?

இந்தியாவில், ஒவ்வொரு மதத்தினரின் திருமணம் மற்றும் சொத்துகள் போன்ற விஷயங்கள் அவர்களின் தனிப்பட்ட சட்டத்தின்படி தீர்க்கப்படுகின்றன. இந்து வாரிசுரிமைச் சட்டம் 1956ன் விதிகளின் படி, இந்து, சீக்கியர், ஜெயின் மற்றும் பௌத்த மதங்களைப் பின்பற்றுபவர்களுக்கு சொத்துக்கள் பிரிக்கப்படுகின்றன.

அதே நேரத்தில், ஷரியத் சட்டம் 1937ன் படி, வாரிசு மற்றும் சொத்து தொடர்பான தகராறுகள் தீர்க்கப்படுகின்றன. இந்துக்களில் மகள்களுக்கும் தந்தையின் சொத்தில் சமமாக உரிமை உண்டு, முஸ்லீம் சட்டத்தின்படி, ஒரு முஸ்லீம் குடும்பத்தில் பிறந்த ஒரு மகள் தனது சகோதரனுடன் ஒப்பிடும் போது தந்தையின் சொத்தில் பாதி பங்கு மட்டுமே பெறுகிறாள். இந்த விதியை எதிர்த்து ஒரு முஸ்லீம் பெண் உச்ச நீதிமன்றத்தில் வழக்கு தொடுத்ததில் இருந்து, முஸ்லிம் பெண்களின் சொத்துரிமை குறித்து பல விவாதங்கள் நடைபெற்று வருகின்றன.

ஷரியத் சட்டம் 1937ன் கீழ், முஸ்லிம்களிடையே வாரிசு தொடர்பான சர்ச்சைகள் தீர்க்கப்படுகின்றன. தனிப்பட்ட சட்டத்தின் கீழ் தீர்மானிக்கப்பட்ட வாரிசுகளுக்கு சொத்து அல்லது பணம் பிரிக்கப்படுகிறது. ஒருவர் இறந்துவிட்டால், அவரது மகன், மகள், விதவை மற்றும் பெற்றோருக்கு அவரது சொத்தில் பங்கு கிடைக்கும். மகனிடமிருந்து பாதி சொத்தை மகளுக்கு வழங்க விதி உள்ளது. 

கணவன் இறந்த பிறகு, விதவைக்கு சொத்தில் ஆறில் ஒரு பங்கு வழங்கப்படுகிறது. ஒரு முஸ்லீம் மகள் திருமணத்திற்குப் பிறகும் அல்லது விவாகரத்துக்குப் பிறகும் கூட அவளுக்கு குழந்தை இல்லை என்றால் அவள் தந்தையின் வீட்டில் வாழலாம். சட்டத்தின் படி, குழந்தை வயது வந்தவராக இருந்தால், அவர் தனது தாயை கவனித்துக் கொள்ளலாம், பின்னர் அந்த முஸ்லிம் பெண்ணின் பொறுப்பு அவளுடைய குழந்தைகளுக்கானதாகிறது.

ஷரியத் சட்டத்தின் கீழ் குடும்பச் சொத்து பங்கீட்டில் ஆண்களுடன் ஒப்பிடும் போது முஸ்லிம் பெண்களுக்கு பாதிப் பங்கை வழங்கும் விதி உச்ச நீதிமன்றத்தில் சவால் செய்யப்பட்டுள்ளது. இது தொடர்பான விசாரணை நீண்ட நாட்களாக நடந்து வருகிறது. புஷ்ரா அலி என்ற பெண் உச்ச நீதிமன்றத்தில் இது குறித்து மனு தாக்கல் செய்துள்ளார். சொத்துப் பங்கீட்டில், ஆண் உறுப்பினருடன் ஒப்பிடும் போது பாதி பங்கு தனக்கு கிடைத்துள்ளது என்றும் இது பாரபட்சம் என்றும் கூறுகிறார்.

அந்த மனுவில், முஸ்லிம் தனிநபர் சட்டப் பிரிவு-2யை எதிர்த்து, ஆண்களுடன் ஒப்பிடும் போது, ​​குடும்பச் சொத்தில் முஸ்லிம் பெண்களுக்கு பாதிப் பங்கு கிடைக்கும் என்று கூறப்பட்டுள்ளது. இந்த பிரிவு அரசியலமைப்பின் 15வது பிரிவுக்கு எதிரானது. சட்டத்தின் முன் ஜாதி, மதம், பாலினம் போன்றவற்றின் அடிப்படையில் பாகுபாடு காட்டப்படுவதைப் பிரிவு-15 தடுக்கிறது எனவும் குறிப்பிட்டுள்ளார்.

சரி இதற்கெல்லாம் என்ன தான் தீர்வு என வழக்கறிஞர் முத்து மாணிக்கவேலனிடம் கேட்டோம்... அவர் இது குறித்து கருத்து தெரிவிக்கையில் நாடாளுமன்றத்தில் இருக்கும் தற்போதைய சட்டத்தை ரத்து செய்து விட்டு பொது சிவில் சட்டம் கொண்டு வந்தால் மட்டுமே  தீர்வு காண முடியும் என்றதோடு அது சாத்தியப்படுமா என்பது தெரியவில்லை. ஏனென்றால் இங்கே நம் நாட்டில் வாக்கு வங்கி அரசியல் நடக்கிறது. இதனால் பாதிக்கப்படுவது முஸ்லீம் சசோதரிகள் தான் என்பதை அனைத்து கட்சிகளும் உணர வேண்டும் என முத்தாய்ப்பாக முடித்து கொண்டார்.

ஒரே புடவைக்காக குடுமிபுடி சண்டைப்போட்ட இளம்பெண்! வைரலாகும் வீடியோ

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

அடிக்கிற வெய்யில்ல அடுப்பில்லாமலே ஆம்லெட் போடும் இளைஞர்... வைரல் வீடியோ!

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!