பங்குச்சந்தை : இந்த ஆண்டின் உச்சத்தை தொட்டது நிஃப்டி.. முதலீட்டாளர்கள் மகிழ்ச்சி!

இந்திய பங்குச் சந்தைகள் வெள்ளிக்கிழமை வர்த்தக அமர்வின் இரண்டாம் பாதியில் சூப்பராக உயர்ந்தன, ஆரம்ப ஏற்ற இறக்கங்களுக்குப்பிறகு ஆதாயங்களை ஈட்டியது. பிஎஸ்இயின் மொத்த சந்தை மூலதனம் ரூபாய் 282.59 லட்சம் கோடியாக உயர்ந்து நிலைபெற்றது. உலகளாவிய மற்றும் உள்நாட்டு காரணங்கள் சந்தை உணர்வுகளை ஆதரித்தன.

நேற்று பிஎஸ்இ சென்செக்ஸ் சுமார் 629.07 புள்ளிகள் அல்லது 1.02 சதவிகிதம் உயர்ந்து 62,501.69 ஆகவும், என்எஸ்இயின் நிஃப்டி50  178.20 புள்ளிகள் அல்லது 0.97 சதவிகிதம் உயர்ந்து 18,499.35 ஆக முடிந்தது. 

ரிலையன்ஸ் இண்டஸ்ட்ரீஸ் போன்ற இண்டெக்ஸ் ஹெவிவெயிட்களில் வாங்கும் ஆர்வம் அதிகமானதால் பங்குகள் 3 சதவிகிதம் உயர்ந்ததால், முக்கிய பங்குதாரர்களில் முதலீட்டை உயர்த்தியது. முகேஷ் அம்பானி தலைமையிலான குழுமம் மட்டும் பிஎஸ்இ சென்செக்ஸ் 600 புள்ளிகள் உயர்வுக்கு 210 புள்ளிகளுக்கு மேல் பங்களித்தது. ஐசிஐசிஐ வங்கி, ஹிந்துஸ்தான் யூனிலீவர் மற்றும் இன்ஃபோசிஸ் ஆகியவை 150க்கும் அதிகமான புள்ளிகளைச் சேர்த்த பிற முக்கிய பங்களிப்பாளர்களாக இருந்தனர். அனைத்து துறைகளிலும் வாங்குதல் ஆர்வம் காணப்பட்டது. நிஃப்டியின் அனைத்து துறை குறியீடுகளும் நேற்று (வெள்ளிக்கிழமை) வலுவான நிலையில் நிலைபெற்றன. நிஃப்டி மீடியா இன்டெக்ஸ் 2 சதவிகிதத்திற்கும் மேலாக உயர்ந்தது, அதே நேரத்தில் நிஃப்டி ஐடி, எஃப்எம்சிஜி, மெட்டல், பார்மா, ரியாலிட்டி, ஹெல்த்கேர் மற்றும் பிஎஸ்யு வங்கி குறியீடுகள் தலா ஒரு சதவிகிதத்திற்கும் அதிகமாக தன் பங்குக்கு சேர்த்தன. நிஃப்டியில் ஓஎன்ஜிசி, கிராசிம் மற்றும் பார்தி ஏர்டெல் ஆகிய மூன்று முன்னணி நிறுவனங்கள் நஷ்டத்தை தந்தன.

வெளிநாட்டு முதலீட்டாளர்கள் தாமதமாக இந்திய பங்குகளுக்கு நிகர வாங்குபவர்களாக உள்ளனர். NSEன் தரவுகளின்படி, வெளிநாட்டு முதலீட்டாளர்கள் வியாழன் அன்று இந்திய பங்குச் சந்தைகளில் ரூபாய் 589 கோடியை முதலீடாக குவித்துள்ளனர். மே மாதத்தில் இதுவரை அதாவது வியாழன் வரை எஃப்ஐஐகள் ரூபாய் 20,250 கோடிக்கு மேல் வாங்கித்தள்ளியுள்ளனர். எஃப்ஐஐக்களின் வரத்து தொடர்ந்து சந்தைக்கு நெகிழ்ச்சியை அளிக்கிறது. எஃப்ஐஐகள் மற்றும் டிஐஐகள் இருவரும் இப்போது வாங்குபவர்களாக மாறியிருப்பது சந்தைகளுக்கு வலுவான ஆதரவாக இருக்கிறது என்று ஜியோஜித் ஃபைனான்சியல் சர்வீசஸின் தலைமை முதலீட்டு நிதி நிபுணர் விகே விஜயகுமார் கூறுகிறார்.

டெக்னிக்கலாக நிஃப்டி 18,400 நிலைக்கு மேல் வர்த்தகம் செய்து நாள் முழுவதும் உயர்ந்தது; நிஃப்டி தினசரி அட்டவணையில் நேற்று புல்லிஷ் என்கல்ஃபிங் வகை வடிவத்தை உருவாக்கிய பிறகு ஒரு பெரிய நேர்மறை மெழுகுவர்த்தியை உருவாக்கியுள்ளது என்று ஸ்டாக்ஸ்பாக்ஸின் தலைமை தொழில்நுட்ப ஆய்வாளர் ரோஹன் ஷா கூறியுள்ளார்.

"நிஃப்டி அதிக உயர் நேர்மறை மெழுகுவர்த்தியுடன் நிறைவு செய்திருக்கிறது  15 நிமிட விளக்கப்படத்தில் 18,520க்கு மேல் க்ளோசிங் வந்தால், இன்ட்ராடே டிரேடர்கள் 18,520க்கு மேல் நீண்ட வாய்ப்புகளைத் தேடலாம். நிஃப்டி 18,400 லெவலை உடைத்து 15 நிமிடங்களுக்குக் கீழே இருந்தால் மட்டுமே டிரேடர்கள் ஃப்ரெஷ் ஷார்ட்களைத் தேட முடியும். என்றார் சுருக்கமாக, இந்நிலையில் ஜெப்ரீஸ் இந்தியப் பங்குச்சந்தை இந்திய பொருளாதாரம் மிகப்பெரிய வளர்ச்சியைக்கொண்டு வருகிறது அதனால் எப்படி எப்பொழுது எந்த நேரத்தில் வேண்டுமானாலு சென்செக்ஸ் ஒரு லட்சம் புள்ளிகளைத்தொடலாம் என திருவாய் மலர்ந்திருக்கிறது. இதற்கெல்லாம் காலம் தான் பதில் சொல்ல வேண்டும்.

ஒரே புடவைக்காக குடுமிபுடி சண்டைப்போட்ட இளம்பெண்! வைரலாகும் வீடியோ

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

அடிக்கிற வெய்யில்ல அடுப்பில்லாமலே ஆம்லெட் போடும் இளைஞர்... வைரல் வீடியோ!

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்