இன்று சுபான்ஷு சுக்லா இந்தியா வருகை... மோடியுடன் சந்திப்பு!

உத்தரப்பிரதேச மாநிலம் லக்னோவில் வசித்து வருபவர்  சுபான்ஷு சுக்லா. 39 வயதான இவர்  இஸ்ரோவின் கனவு  திட்டமான மனிதர்களை விண்வெளிக்கு அனுப்பும் ‘ககன்யான்’ திட்டத்துக்கு தேர்வு செய்யப்பட்டவர். இவருடன் மேலும் 3 பேரை இஸ்ரோ தேர்வு செய்து  அமெரிக்காவின்   ‘ஆக்சியம் ஸ்பேஸ்’ நிறுவனத்தின் மூலம்  'ஆக்சியம்-4' திட்டத்தின் கீழ் சர்வதேச விண்வெளி நிலையத்துக்கு மனிதர்களை அனுப்பும் திட்டத்தை நாசாவுடன் இணைந்து செயல்படுத்தியது. 

இந்த திட்டத்தின் கீழ் விண்வெளி ஆய்வுப்பணிக்காக இந்தியாவை சேர்ந்த சுபான்ஷு சுக்லா, அமெரிக்காவை சேர்ந்த திட்டத்தின் கமாண்டர் பெக்கி விட்சன், ஹங்கேரியை சேர்ந்த விண்வெளி நிபுணர் திபோர் கபு மற்றும் போலந்தை சேர்ந்த ஸ்லாவோஸ் உஸ்னான்ஸ்கி 4 பேரும் தேர்வு செய்யப்பட்டனர்.  இந்த விண்வெளி ஆய்வுக்குழுவினர், அமெரிக்காவின் புளோரிடாவில் உள்ள நாசாவின் கென்னடி விண்வெளி மையத்தில் இருந்து டிராகன் விண்கலம் இணைக்கப்பட்ட பால்கன்-9 ராக்கெட் மூலம்  ஜூன் 25ம் தேதி விண்வெளி நிலையத்துக்கு புறப்பட்டனர். அங்கு 18 நாட்கள் தங்கியிருந்து பல்வேறு ஆய்வுகளை மேற்கொண்டு  ஜூலை 15ம் தேதி  டிராகன் விண்கலம், சான்டியாகோ கடற்கரை அருகே பசிபிக் பெருங்கடலில் பத்திரமாக இறங்கியது. 

சுபான்ஷு சுக்லாவின் இந்த விண்வெளி பயணம்  இந்தியாவின் சொந்த மனித விண்வெளி பயணத் திட்டமான ‘ககன்யான்’ திட்டத்திற்கு ஒரு குறிப்பிடத்தக்க மைல்கல்லாக கருதப்படுகிறது. இது குறித்து பிரதமர் மோடி சுபான்ஷு சுக்லா கோடிக்கணக்கான இந்தியர்களின் கனவுகளுக்கு உத்வேகம் அளித்திருப்பதாகவும்  இந்தியாவின் விண்வெளி லட்சியங்களை முன்னெடுத்துச் செல்வதில் குறிப்பிடத்தக்க அடியை எடுத்து வைத்திருப்பதாகவும் புகழாரம் சூட்டியிருந்தார். 
இந்நிலையில், விண்வெளி வீரர் சுபான்ஷு சுக்லா இன்று இந்தியாவிற்கு வருகை தருகிறார். இன்று மாலை இந்தியாவிற்கு வரும் சுபான்ஷு சுக்லா, டெல்லியில் பிரதமர் மோடியை சந்தித்து பேசுகிறார்.  பின்னர் தனது சொந்த ஊரான லக்னோவிற்கு சென்று குடும்பத்தினரோடு சில நாட்கள் தங்கியிருப்பார். ஆகஸ்ட் 23ம் தேதி  டெல்லியில் நடைபெறும் தேசிய விண்வெளி நாள் கொண்டாட்டத்தில் சுபான்ஷு சுக்லா கலந்து கொள்வார் எனவும் தெரிவிக்கப்பட்டுள்ளது  

இதையும் பிடிச்சிருந்தா படிச்சு பாருங்க

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்

பளபளக்கும் மிருதுவான சருமத்திற்கு இதை மட்டும் செய்தாலே போதும்!!

நாப்கின்களால் ஏற்படும் ரேசஸ் மற்றும் எரிச்சலை போக்க இயற்கை வழிகள்!!

உங்க நட்சத்திரத்துக்கு லாபம் தரும் துறை எது?