திடீரென காலில் நெளிந்த பாம்பு... அலறியடித்துக் கொண்டு பைக்கில் இருந்து குதித்த கல்லூரி மாணவர்!

திடீரென காலில் ஏதோ நெளிகிறது என்று பார்த்த கல்லூரி மாணவர், பாம்பு தனது காலில் நெளிந்துக் கொண்டிருப்பதைப் பார்த்து அலறியடித்து  கொண்டு பைக்கில் இருந்து பதற்றத்தில் கீழே குதித்த சம்பவம் விருதுநகர் மாவட்டம் ஸ்ரீவில்லிபுத்தூரில் பரபரப்பை ஏற்படுத்தியுள்ளது.

விருதுநகர் மாவட்டம் ராஜபாளையம் அருகே தளவாய்புரத்தைச் சேர்ந்தவர் பிரதீப் (22). கல்லூரி மாணவரான இவர் சொந்தமாக ரேஸ் பைக்  ஒன்று வைத்துள்ளார். தனது வீட்டின் அருகே எப்போதும் பைக்கை நிறுத்தி வைக்கும் பிரதீப், வழக்கம் போல பைக்கை நிறுத்தியவர், நேற்று காலை பைக்கை எடுத்துக் கொண்டு தளவாய்புரத்தில் இருந்து மதுரைக்கு சென்றார்.

பின்னர் மதுரையில் இருந்து கிளம்பியவர் மதியம் 12:30 மணிக்கு ஸ்ரீவில்லிபுத்தூர் அருகே சென்றுக் கொண்டிருந்த போது, ​​அவரது காலில் ஏதோ விசித்திரமான  ஒன்று நெளிந்தது.

அப்போது பைக்கின் கீழ் பகுதியில் பாம்பு இருந்தது தெரிய வந்தது. உடனடியாக பதறியடித்துக் கொண்டு பைக்கை ஓரமாக நிறுத்தி விட்டு, கீழே குதித்தார்.  இது குறித்து தகவலறிந்து அங்கு சென்ற ஸ்ரீவில்லிபுத்தூர் தீயணைப்புத் துறையினர் பைக்கின் பாகங்களை அகற்றி சுமார் 2 அடி நீளமுள்ள பாம்பை பிடித்து வனப்பகுதியில் விட்டனர்.

மழைக்காலம் என்பதால், பாம்புகள் வெப்பமான இடங்களில் தஞ்சம் அடைவது இயல்பு. பைக் இன்ஜின் பகுதி சூடாக இருப்பதால் பாம்புகள் பைக்கிற்குள் நுழைகின்றன.

அப்படித் தான் பிரதீப்பின் பைக்கில் பாம்பு பதுங்கியிருந்தது. எனவே வீடுகளுக்கு அருகிலும், சாலையோரங்களிலும் இருசக்கர வாகனங்களை நிறுத்துபவர்கள் கவனமாக இருக்க வேண்டும். ரேஸ் பைக்கில் செல்லும் பாம்புகளை எளிதில் கண்டறிவதில்லை. பொதுமக்கள் விழிப்புடன் இருக்க வேண்டும் என தீயணைப்பு துறையினர் தெரிவித்துள்ளனர்.

அக்டோபரில் பிறந்தவங்க அதிர்ஷ்டசாலிகள்... இது எல்லாமே அவங்களோட இயல்புகளா இருக்கும்!

செல்வம் நிலைத்திருக்க புரட்டாசி சனிக்கிழமை வழிபாடு, பலன்கள்!

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!

நவராத்திரி... வீட்டிற்கு வரும் சுமங்கலி பெண்களுக்கு இதை கொடுத்தால் செல்வம் சேரும்!