உடல் முழுவதும் தீக்காயங்கள் பிளாஸ்டிக் கவரில் சுற்றப்பட்டு வெளிநாட்டு பெண் சடலம்... பகீர்

இந்தியாவின் வட பகுதியில் தொடர் பாலியல் குற்றவியல் சம்பவங்கள் அதிகரித்து வருகின்றன. மேற்கு டெல்லியின் திலக் நபர் பகுதியில் உள்ள அரசு பள்ளியின் சுவர் அருகே பிளாஸ்டிக் கவரால் சுற்றப்பட்ட நிலையில் இளம்பெண் ஒருவரின் சடலம் இருந்துள்ளது. இதைக் கண்ட அப்பகுதி மக்கள் இது குறித்து போலீசாருக்கு தகவல் அளித்தனர். இதன்  பேரில் சம்பவ இடத்திற்கு விரைந்து வந்த போலீசார், அவரது உடலை மீட்டு விசாரணை நடத்தினர்.  30 வயதுடைய அந்த பெண் வெளிநாட்டை சேர்ந்தவர் என முதல் கட்ட தகவல் வெளியாகியுள்ளது.

அவரது உடலில்   தீயால் சுட்டு சித்திரவதை செய்த  காயங்கள்  இருந்தன.  அவருடைய கண்கள் பிதுங்கி இருந்தது.   இதனால், கழுத்து நெரிக்கப்பட்டு கொலை செய்யப்பட்டு இருக்க கூடும் என சந்தேகிக்கப்பட்டுள்ளது.  அவர்   குட்டை கவுன் அணிந்த நிலையில் அவருடைய கை, கால்கள் இரும்பு சங்கிலியால் கட்டப்பட்டு, பூட்டு போடப்பட்டு இருந்தன. உடலின் மேல்பகுதி ஒரு பெரிய, கருப்பு நிற பாலித்தீன் பையால் சுற்றப்பட்டு இருந்தது. வெள்ளை நிற சான்ட்ரோ கார் உதவியுடன் அவருடைய உடல் கொண்டு வரப்பட்டு உள்ளது. அவரது உடல் பிரேத பரிசோதனைக்கு அனுப்பி வைக்கப்பட்டுள்ளது.  

அக்கம் பக்கத்தில் உள்ள  சிசிடிவி கேமரா உதவியுடன் குற்றவாளியை தேடும் பணி நடந்தது.  இச்சம்பவத்தில் குர்பிரீத் என்ற நபரை போலீசார் கைது செய்தனர். அந்த இளம்பெண் சுவிட்சர்லாந்து நாட்டின் ஜுரிச் நகரில் வசித்தவர்.   அவரை சுவிட்சர்லாந்தில் வைத்து குர்பிரீத் சந்தித்துள்ளார். குர்பிரீத் அவருடைய கை, கால்களை கட்டி போட்டு பின்னர் கொலை செய்துள்ளார். பழைய கார் ஒன்றில்  இளம்பெண்ணின் உடலை   போட்டு வைத்துள்ளார்.   அழுகிய நாற்றம் வந்ததும், சாலையோரம் உடலை வீசி விட்டு, தப்பி விட்டார். குர்பிரீத்திடம் இருந்து ரூ.2 கோடி பணம் பறிமுதல் செய்யப்பட்டு உள்ளதாக   போலீசார் தெரிவித்து உள்ளனர். இச்சம்பவம் குறித்து தீவிர   விசாரணை மேற்கொள்ளப்பட்டு வருகிறது.

ஐப்பசி மாத புனித நீராடலின் மகத்துவம்.. மிஸ் பண்ணீடாதீங்க!!

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!

கிடுகிடுவென உடல் எடை குறைய தினம் இந்த பழம் சாப்பிட்டு பாருங்க...!!

ஐஸ்வர்யங்களை அள்ளித் தரும் ஐப்பசி மாத பண்டிகைகள், சிறப்புக்கள்!!