இது ட்ரைலர் தான்... மெயின் பிக்சர் டெரரா இருக்கும்... இஸ்ரேலுக்கு எச்சரிக்கை விடுத்த ஈரான்!

கடந்த ஆண்டு அக்டோபர் மாதம் காசாவில் இருந்து ஹமாஸ் இஸ்ரேல் மீது ஏவுகணை தாக்குதல் நடத்தியது. இந்த தாக்குதல் ஆக்கிரமிப்பு காரணமாக நடந்ததாக கூறப்படுகிறது. இதற்கு பதிலடியாக ஹமாஸ் மீது இஸ்ரேல் தொடர் தாக்குதல்களை நடத்தியது. இந்தத் தாக்குதலுக்கு எதிர்ப்புத் தெரிவிக்கும் வகையில், செங்கடலில் இஸ்ரேலுக்குச் செல்லும் சரக்குக் கப்பல்கள் மீது ஹவுதிகள் ஆளில்லா விமானத் தாக்குதல்களில் ஈடுபட்டனர். ஈரான் இராணுவத்தின் ஆதரவுடன் ஹவுதி அமைப்பு (ஆயுதக் குழு) இஸ்ரேல் மீது தாக்குதல் நடத்தியது.

இந்நிலையில், இந்த மாத தொடக்கத்தில் சிரியா தலைநகர் டமாஸ்கஸில் உள்ள ஈரான் தூதரகம் மீது இஸ்ரேல் ஏவுகணை தாக்குதல் நடத்தியது. இதனால் இரு நாடுகளுக்கும் இடையே பெரும் பதற்றம் ஏற்பட்டது. இந்த தாக்குதலில் ஈரான் புரட்சி ராணுவ தளபதி உட்பட 10க்கும் மேற்பட்டோர் கொல்லப்பட்டனர். இஸ்ரேலுக்கு பதிலடி கொடுக்கப்படும் என ஈரான் எச்சரித்துள்ளது. அதன்படி கடந்த வாரம் இஸ்ரேல் மீது ஈரான் 100க்கும் மேற்பட்ட ஏவுகணைகள் மற்றும் ஆளில்லா விமானங்களை ஏவியது. இஸ்ரேல் மீது ஈரான் நடத்திய முதல் நேரடி தாக்குதல் இதுவாகும்.

இந்த தாக்குதலுக்கு அமெரிக்கா உள்ளிட்ட உலக நாடுகள் கடும் எச்சரிக்கை விடுத்து பொருளாதார தடை விதித்தன. இந்நிலையில், ஈரானின் தாக்குதலுக்கு பதிலடி கொடுக்க இஸ்ரேல் திட்டமிட்டிருந்த நிலையில், நேற்று காலை ஈரான் மீது இஸ்ரேல் ஏவுகணை தாக்குதல் நடத்தியதாக கூறப்பட்டது. ஈரானின் இஸ்பஹானில் உள்ள விமானப்படை தளத்தில் பதிலடி தாக்குதல் நடத்தப்பட்டதாக தகவல் வெளியானது.

இதனால் அப்பகுதியில் பதற்றம் மேலும் அதிகரித்தது. அதுமட்டுமின்றி, இஸ்ரேலுக்கு பதிலடி கொடுக்கப்படும் என்றும், மீண்டும் இஸ்ரேல் தாக்குதல் நடத்தினால், அடுத்த சில நொடிகளில் தாக்குவோம் என்றும் ஈரான் எச்சரிக்கை விடுத்துள்ளது. இதனால் இஸ்ரேல் மீது எந்த நேரத்திலும் ஈரான் தாக்குதல் நடத்தலாம் என்ற பதற்றமான சூழல் நிலவி வருகிறது.

இந்நிலையில் எங்களின் அடுத்த தாக்குதல் இன்னும் பயங்கரமாக இருக்கும் என ஈரான் மீண்டும் இஸ்ரேலுக்கு எச்சரிக்கை விடுத்துள்ளது. ஏவுகணை தாக்குதல் குறித்து விசாரணை நடத்தி வருகிறோம் என்று ஈரான் வெளியுறவுத்துறை அமைச்சர் தெரிவித்துள்ளார். இதில் இஸ்ரேலின் தொடர்பு இன்னும் உறுதிப்படுத்தப்படவில்லை. நம் நாட்டில் வீசப்பட்ட ட்ரோன்கள் பறந்து வந்து விழுந்தன.

அவை நம் குழந்தைகள் விளையாடும் பொம்மைகள், ட்ரோன்கள் அல்ல என்று விமர்சித்தார். மேலும், ஈரானின் நலன்களுக்கு எதிராக இஸ்ரேல் செயல்பட்டால், அடுத்த பதிலடி உடனடியாக மற்றும் அதிகபட்சமாக கடுமையாக இருக்கும் என்று அம்ரப்துல்லாஹியன் எச்சரித்துள்ளார்.

தமிழ் புத்தாண்டில் பணமழை கொட்டப்போகும் ராசிகள்!

அப்படியே சாப்பிடுவேன்!! 5 அடி முதலையை விழுங்கும் மலைப்பாம்பு!

விட்டேனா பார்!! ராஜநாகத்துடன் ஆக்ரோஷமாக சண்டையிடும்

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!