SUV கார் டிவைடரில் மோதி 4 அடி அந்தரத்தில் பறந்து கோர விபத்து... ராணுவமேஜர் தம்பதி பலி.. பகீர் சிசிடிவி காட்சிகள்!
உத்தரப்பிரதேச மாநிலத்தில் சுல்தான்பூரில் பயங்கர விபத்து நடந்து அது குறித்த சிசிடிவி காட்சிகள் சமூக வலைதளங்களில் வீடியோவாக பரவி வருகிறது. அந்த வீடியோவில் எஸ்யூவி கார் ஒன்று ஓட்டுநரின் கட்டுப்பாட்டை இழந்து டிவைடரில் மோதி அந்தரத்தில் பறந்தது. அப்படியே எதிரில் வந்த பைக் மீது மோதி அதில் பயணம் செய்த தம்பதிகள் இருவரும் சம்பவ இடத்திலேயே உடல் நசுங்கி பரிதாபமாக உயிரிழந்தனர். அதிவேகமாக வந்த மஹிந்திரா ஸ்கார்ப்பியோ எஸ்யூவி ஓட்டுநர் கவனக்குறைவாக ஓட்டிச் சென்றதால் இந்த விபத்து நடந்திருக்கலாம் என முதல்கட்ட தகவல் வெளியாகியுள்ளது.
An accident occurred on 9th June in Sultanpur, Uttar Pradesh. According to the report, a high-speed Scorpio lost control, jumped the divider, and landed on a couple moving in the opposite direction, resulting in both deaths. The individuals were identified as Major appointed in… pic.twitter.com/dZbu1FCpSX
— Prateek Singh (@Prateek34381357) June 23, 2024
இச்சம்பவம் ஜூன் 9ம் தேதி சுல்தான்பூரில் நடந்ததாக சிசிடிவி காட்சிகள் தெரிவிக்கின்றன. இந்த விபத்தில் உயிரிழந்தவர்கள் ராணுவத்தில் நியமிக்கப்பட்ட மேஜர் மற்றும் அவரது மனைவி என அடையாளம் காணப்பட்டுள்ளனர். சாலையின் இடது புறமாக அதிவேகமாக வந்து கொண்டிருந்த கார், ஓட்டுநரின் கட்டுப்பாட்டை இழந்து, நடுவே இருந் டிவைடரில் மோதியது.அங்கிருந்து 4 அடி உயரத்தில் பறந்து கீழே இறங்கும் போது சாலையின் மறுபக்கத்திலிருந்து வரும் டிவிஎஸ் அப்பாச்சி பைக் மீது, மோதி விபத்து ஏற்பட்டதாக தெரிகிறது. அத்துடன் விபத்தில் சிக்கிய வாகனங்களின் புகைப்படங்களையும் வீடியோவில் காணலாம். விபத்தில் பைக் சிதைந்த நிலையில், ஸ்கார்பியோவுக்கு சிறிய அளவிலான சேதம் ஏற்பட்டுள்ளதாக போலீசார் தெரிவித்துள்ளனர்.
காதலித்து கர்ப்பமாக்கிய காதலன்... கைக்குழந்தையுடன் காதலி தர்ணா!
லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!
அப்படியே சாப்பிடுவேன்!! 5 அடி முதலையை விழுங்கும் மலைப்பாம்பு!