திருநெல்வேலி: முதல் பெண் காவல்துறை ஆணையாளராக மகேஸ்வரி பதவியேற்பு! குவியும் வாழ்த்துகள்!

திருநெல்வேலி மாநகர காவல்துறையின் ஆணையாளராக மகேஸ்வரி ஐ.பி.எஸ். பதவியேற்றுக் கொண்டார். நெல்லை மாநகரின் முதல் பெண் காவல்துறை ஆணையாளராக மகேஸ்வரி ஐ.பி.எஸ். பதவியேற்றுக் கொண்டது குறிப்பிடத்தக்கது. அவருக்கு பலரும் தங்களது வாழ்த்துக்களைத் தெரிவித்து வருகின்றனர். 

திருநெல்வேலி மாநகர காவல்துறை ஆணையாளராக பதவி வகித்து வந்த ராஜேந்திரன் பணியிட மாற்றம் செய்யப்பட்டு 5 மாதங்கள் ஆகும் நிலையில், கடந்த 4 மாதங்களாக நெல்லை மாநகர காவல்துறை ஆணையாளர் பணியிடம் நிரப்பப்படாமல் காலியாகவே இருந்து வந்தது. இந்நிலையில், மாநகர் மற்றும் மாவட்டத்தில் தொடர்ச்சியாக பல்வேறு கொலை சம்பவங்கள் அரங்கேறியது. ஒரே மாதத்தில் 14 கொலை சம்பவங்கள் நடைபெற்றது பெரும் சர்ச்சையைக் கிளப்பியது.

இந்தநிலையில், திருநெல்வேலி மாநகர காவல்துறை ஆணையாளராக நேர்மையான, அதிரடியான அதிகாரி ஒருவரை நியமிக்க வேண்டும் என்ற கோரிக்கை எழுந்த நிலையில், குரூப் -1 தேர்வில் வெற்றி பெற்று மாவட்ட காவல் துணை கண்காணிப்பாளராக தமிழக காவல்துறையில் பணியில் சேர்ந்த மகேஸ்வரி ஐ.பி.எஸ்., நெல்லை மாவட்ட காவல் ஆணையாளராக பதவியேற்றுக் கொண்டார். 

எஸ்பி, டிஐஜியாக பதவி உயர்வு பெற்று வட மாவட்டங்களில் பணியாற்றிய நிலையில், 2022ம் ஆண்டு ஐபிஎஸ் அதிகாரியான மகேஸ்வரி, சென்னை நகர மத்திய குற்றப்பிரிவு கூடுதல் ஆணையராக பணியாற்றி வந்த நிலையில், தற்போது தென் மாவட்டத்தில், நெல்லை மாநகர காவல்துறையின் முதல் காவல்துறை ஆணையாளராக நேற்று பதவியேற்றுக் கொண்டார்.

திருச்சியை சேர்ந்த இவர் பி.இ., மற்றும் எம்.எஸ் (ஐடி) முதுநிலை பட்டம் பெற்றவர். நேர்மையான அதிகாரி என பெயர் பெற்றவர். நெல்லை மாநகர காவல்துறையின் முதல் பெண் ஆணையாளர் என்பதும் குறிப்பிடத்தக்கது. அவருக்கு பலரும் தங்களது வாழ்த்துகளைத் தெரிவித்து வருகின்றனர். 

வாழ்வில் செல்வமும், அதிர்ஷ்டமும் கிடைக்க இதை மறக்காதீங்க!

ஐப்பசி மாதத்தில் இந்த பிரார்த்தனையை மிஸ் பண்ணீடாதீங்க!!

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!

கிடுகிடுவென உடல் எடை குறைய தினம் இந்த பழம் சாப்பிட்டு பாருங்க...!!

ஐஸ்வர்யங்களை அள்ளித் தரும் ஐப்பசி மாத பண்டிகைகள், சிறப்புக்கள்!!