நாளைய ராகுல்காந்தியின் தமிழக பயணம் திடீர் ரத்து!

நாளை முன்னாள் பிரதமர் ராஜீவ்காந்தியின் 32ம் ஆண்டு நினைவு தினத்தை முன்னிட்டு, ஸ்ரீபெருபுதூரில் நடைபெற உள்ள அஞ்சலி நிகழ்ச்சியில் கலந்து கொள்ள ராகுல்காந்தி தமிழகம் வருவதாக அறிவிக்கப்பட்டிருந்த நிலையில், அவரது பயணம் திடீரென காரணம் குறிப்பிடப்படாமல் ரத்து செய்யப்பட்டுள்ளதாக அறிவிக்கப்பட்டுள்ளது.

இது குறித்து தமிழக காங்கிரஸ் தலைவர் கே.எஸ்.அழகிரி வெளியிட்டுள்ள அறிக்கையில், முன்னாள் பாரத பிரதமர், ராஜிவ்காந்தியின் 32வது ஆண்டு நினைவு தினத்தையொட்டி, ஸ்ரீபெரும்புதூரில் நாளை (21.5.2023) ஞாயிற்றுக்கிழமை காலை 8.00 மணியளவில் நடைபெறவுள்ள அஞ்சலி நிகழ்ச்சியில்  தவிர்க்க முடியாத காரணங்களால் ராகுல் காந்தியின் வருகை ரத்து செய்யப்பட்டுள்ளது. 

இந்நிலையில், ஏற்கனவே திட்டமிட்டபடி, நாளை ஸ்ரீபெரும்புதூர் ராஜிவ் காந்தி அவர்களின் நினைவிடத்தில், அஞ்சலி நிகழ்ச்சி நடைப்பெறும்.  நாளை காலை 8 மணியளவில்  ஸ்ரீபெரும்புதூரில் அமைந்துள்ள ராஜீவ்காந்தியின் நினைவிடத்தில் மலர் தூவி மரியாதை செலுத்துதல், மருத்துவ முகாமினை துவக்கி வைத்தல், நினைவிடத்தில் தேசபக்தி பாடல்களை இசைக்குழுவினர் பாடுகிறார்கள். தொடர்ந்து பயங்கரவாத எதிர்ப்பு உறுதிமொழி எடுத்துக் கொள்ளப்படும். 

நாளை காலை 10.30 மணியளவில் சைதாப்பேட்டை சின்னமலையில் அமைந்துள்ள ராஜிவ்காந்தியின் திருவுருவச் சிலைக்கு மாலை அணிவித்து மரியாதை செலுத்துதல். காலை 11.00 மணிக்கு சென்னை சத்தியமூர்த்தி பவனில் ராஜீவ்காந்தியின் திருவுருவப் படத்திற்கு மலர் தூவி மரியாதை செலுத்துதல். இந்நிகழ்ச்சிகளில், தமிழ்நாடு காங்கிரஸ் கமிட்டியின் முன்னாள் தலைவர்கள், அகில இந்திய காங்கிரஸ் செயலாளர்கள், செயல் தலைவர்கள், நாடாளுமன்ற, சட்டமன்ற உறுப்பினர்கள், மாநில நிர்வாகிகள், மாவட்ட காங்கிரஸ் கமிட்டி தலைவர்கள், முன்னணி அமைப்புகள், துறைகள் மற்றும் பிரிவுகளின் தலைவர்கள், நிர்வாகிகள் ஆகியோர் பங்கேற்கின்றனர் எனக் குறிப்பிட்டுள்ளார்.

ஒரே புடவைக்காக குடுமிபுடி சண்டைப்போட்ட இளம்பெண்! வைரலாகும் வீடியோ

வீடியோ!  5 அடி முதலையை விழுங்கும் மலைப்பாம்பு!!

ராஜநாகத்துடன் ஆக்ரோஷமாக சண்டையிடும் கோழி! வீடியோ!

அடிக்கிற வெய்யில்ல அடுப்பில்லாமலே ஆம்லெட் போடும் இளைஞர்... வைரல் வீடியோ!

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!