கிறிஸ்துமஸ் ஸ்பெஷல்... செம டேஸ்ட்டான வெண்ணிலா ஸ்பாஞ்ச் கேக்.. .வீட்டிலேயே செய்யலாம்!
கிறிஸ்துமஸ் பண்டிகை டிசம்பர் 25ம் தேதி உலகம் முழுவதும் கோலாகலமாக கொண்டாடப்பட உள்ளது. கிறிஸ்துமஸ் என்றாலே உடனடியாக நம் நினைவுக்கு வருவது கேக் வகைகள் தான். அதிலும் சிலர் வீட்டிலேயே கேக் செய்து கிறிஸ்துமஸை கொண்டாடுவதை வழக்கமாக கொண்டுள்ளனர்.
கிறிஸ்துமஸ்க்கு பிளம் கேக் மட்டும் இல்லாமல் வெண்ணிலா கேக் கூட செய்து பண்டிகையை கொண்டாடலாம். என்னதான் கடைகளில் கேக் வாங்கினாலும் நம் வீட்டில் நாம் செய்யும் கேக் சுவையே தனி தான். அந்த வரிசையில் எளிதில் செய்யக்கூடிய சுவையான வெண்ணிலா ஸ்பாஞ்ச் கேக்கை வீட்டிலேயே செய்து அசத்தலாம்.
தேவையான பொருட்கள்:
மைதா - 1/2 கப்
முட்டை - 2
வெண்ணிலா எசன்ஸ் -2 டேபிள் ஸ்பூன்
பொடித்த சர்க்கரை -1/2 கப்
பேக்கிங் பவுடர் -1/2 டேபிள் ஸ்பூன்
பேக்கிங் சோடா -1/8 டேபிள் ஸ்பூன்
எண்ணெய் -2 டேபிள் ஸ்பூன்
பால் - 1/4 கப்
செய்முறை:
சல்லடையில் தேவையான அளவு மைதா, பேக்கிங் பவுடர், பேக்கிங் சோடா கலந்து நன்றாக சலித்து எடுக்க வேண்டும். மற்றொரு பாத்திரத்தில் இரண்டு முட்டையை சேர்த்து நன்றாக பீட் செய்ய வேண்டும். முட்டையில் லேசாக நுரை வரும்போது நாம் அரைத்து வைத்த சர்க்கரையை சேர்த்து நல்ல க்ரீம் பதத்தில் வரும் வரை திரும்பவும் பீட் செய்ய வேண்டும்.
எலக்ட்ரிக் பீட்டர் பயன்படுத்தினால் நல்ல ரிசல்ட் இருக்கும். நன்றாக பீட் செய்ததும் அந்த கலவையில் 2 டேபிள் ஸ்பூன் வெண்ணிலா எசன்ஸ் சேர்த்து மீண்டும் பீட் செய்யவும்.
இத்துடன் தேவையான அளவு பாலும் எண்ணெயும் சேர்த்துக் கொள்ளலாம். ஒன்றாக கலந்த பிறகு நாம் சலித்து வைத்த மைதா மாவு கலவையை சிறிது சிறிதாக சேர்த்து மெதுவாக கலந்து விட வேண்டும். இதனை கலந்து விட கட் அண்ட் போல்ட் மெத்தடில் மெதுவாக கலக்க வேண்டும்.
இதனைத் தொடர்ந்து ஒரு கேக் பேக்கிங் ட்ரேயில் வெண்ணெய் தடவி தனியாக வைத்து கொள்ள வேண்டும். மைக்ரோ வேவ் அவனில் 2 நிமிடம் பிரீஹீட் செய்து கொள்ள வேண்டும். ப்ரீஹிட் ஆன பிறகு அந்த கேக் ட்ரேயில் இந்த மாவு கலவையை ஊற்றி 160 டிகிரி செல்சியஸ் 30 நிமிடங்கள் பேக் செய்ய வேண்டும்.
30 நிமிடங்கள் கழித்து ஒரு குச்சி வைத்து இதை குத்தி பார்த்தால் மாவு குச்சியில் ஒட்டாமல் வந்தால் கேக் நன்றாக வெந்து விட்டதாக அர்த்தம். கேக் வேகவில்லை என்றால் மீண்டும் 160 டிகிரி செல்சியஸில் 5 நிமிடம் அல்லது 10 நிமிடம் வரை வைத்து பேக் செய்யலாம். வெந்ததும் சூடு ஆறியதும் எந்த வடிவில் வேணாலும் வெட்டிக் கொள்ளலாம். அவ்வளவுதான் சுவையான வெண்ணிலா ஸ்பாஞ்ச் கேக் தயார்.
மார்கழி மாத விரத முறைகள், வழிபாடு, பலன்கள்!
ஐயப்ப பக்தர்கள் தினசரி சொல்ல வேண்டிய ஸ்லோகம் இது தான்!
ஐயப்பன் பக்தர்கள் தெரிஞ்சிக்கோங்க ... சபரிமலை சுவாரஸ்யங்கள்!