வைரல் வீடியோ... டிவி லைவ் நிகழ்ச்சியில் திடீரென நுழைந்த டெலிவரி ஊழியர்!

 By Monika K Jul 9, 2025, 21:00 IST
லைவ்

குவைத் நாட்டில் தொலைக்காட்சியில் ஒரு நேரலை நிகழ்ச்சி நடைபெற்று கொண்டிருந்த போது ஏற்பட்ட அதிர்ச்சி தரும் சம்பவம் ஒன்று சமூக வலைதளங்களில் வைரலாகி வருகிறது. அதன்படி “இஷ்ராகா” எனப்படும் செய்தி நிகழ்ச்சியின் நேரடி ஒளிபரப்பின் போது, உணவுப் பொருள் டெலிவரி ஊழியர் ஒருவர் ஸ்டுடியோவுக்குள் அமைதியாக நுழைவதை காணமுடிகிறது. நிகழ்ச்சி நேரடியாக ஒளிபரப்பப்பட்டுக் கொண்டிருந்த வேளையில் இந்த சம்பவம் நடந்தது, செய்தி வாசிப்பாளர்கள் சில வினாடிகள் குழப்பத்துடன் காணப்படுகின்றனர்.

இந்த வீடியோவைக் குவைத் தொலைக்காட்சி செய்தி சேனலில் நிகழ்ந்த ஒரு “விசித்திரமான காட்சி” எனக் குறிப்பிட்டு பயனர் ஒருவர் சமூக வலைதளங்களில் பதிவிட்டுள்ளார். அதில், டெலிவரி பணியில் இருந்த அந்த நபர், தனது பைகளைச் சுமந்து கொண்டு ஸ்டூடியோவில் நடந்து செல்வதும், சிறிது நேரம் சுற்றிப் பார்த்துவிட்டு தவறாக வந்திருப்பதை உணர்ந்து வெளியே செல்வதும் பதிவாகியுள்ளது. இந்த காட்சி சமூக வலைதளங்களில் மிக வேகமாகப் பரவி பலரையும் கவர்ந்துள்ளது. ஒருவர் நகைச்சுவையாக “நாடு முழுக்க சிரிப்பை டெலிவரி செய்தார்” என பதிவிட்டுள்ளார்.

மற்றொருவர் “மேசையில்தான் டெலிவரி வரை கொண்டு வந்தாராம்!” என தெரிவித்துள்ளார். மேலும் சிலர், “அந்த ஊழியர் மிக அமைதியாக நுழைந்து சென்ற விதம் காமெடியாக இருந்தது” எனச் சொன்னார்கள்.இந்நிகழ்வைத் தொடர்ந்து, “நேரலை நிகழ்ச்சியிடம் எந்தவித தடையும் இல்லாமல் யார் வேண்டுமானாலும் நுழைய முடியுமா?” என நெட்டிசன்கள் கேள்வி எழுப்பியுள்ளனர்.

இதையும் பிடிச்சிருந்தா படிச்சு பாருங்க

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்

பளபளக்கும் மிருதுவான சருமத்திற்கு இதை மட்டும் செய்தாலே போதும்!!

நாப்கின்களால் ஏற்படும் ரேசஸ் மற்றும் எரிச்சலை போக்க இயற்கை வழிகள்!!

உங்க நட்சத்திரத்துக்கு லாபம் தரும் துறை எது?