அடுக்குமாடி கட்டிட சுவர் இடிந்து பயங்கர விபத்து.. வடமாநில தொழிலாளர் சம்பவ இடத்திலேயே பலி!

சென்னை அமைந்தகரை அய்யாவு காலனி பால விநாயக் தெருவில் புதிதாக கட்டப்பட்ட 2 மாடி அடுக்குமாடி குடியிருப்பு கட்டிடம் கட்டும் பணி நடைபெற்று வருகிறது. இந்நிலையில், காலை 10 மணியளவில் ஊழியர்கள் வேலை செய்து கொண்டிருந்த போது, இரண்டாவது மாடி தடுப்புச்சுவர் திடீரென இடிந்து விழுந்தது. மேற்கு வங்க மாநிலம் வர்தமான் மாவட்டத்தைச் சேர்ந்த நவ்ஷாத் ஷேக் (32), மேற்கு வங்க மாநிலம் முஷிதாபாத் மாவட்டத்தைச் சேர்ந்த குஷ்முதீன் (36) ஆகியோர் விபத்தில் சிக்கினர். இந்த விபத்தில் நவ்ஷாத் ஷேக் சம்பவ இடத்திலேயே உயிரிழந்தார். மேலும், குஷ்முதீன் பலத்த காயங்களுடன் மீட்கப்பட்டார்.

இதனிடையே, சம்பவ இடத்துக்கு வந்த போலீஸார், பலத்த காயமடைந்த குஷ்முதீனை மீட்டு, கீழ்ப்பாக்கம் அரசு மருத்துவமனையில் சேர்த்தனர். அங்கு அவருக்கு தீவிர சிகிச்சை பிரிவில் சிகிச்சை அளிக்கப்பட்டு வருகிறது. மேலும், இலவச நவ்ஷாத் ஷேக்கின் உடல் கீழ்ப்பாக்கம் அரசு மருத்துவமனை பிணவறையில் வைக்கப்பட்டுள்ளது. மேலும், கடந்த 15 நாட்களுக்கு முன் இரண்டாவது தளத்தின் மொட்டை மாடியில் தடுப்பு சுவர் எழுப்பப்பட்டதும், இந்நிலையில் இன்று காலை இரண்டாவது தளத்தில் அமைக்கப்பட்ட தடுப்பு சுவரில் துளையிடும் பணி மேற்கொள்ளப்பட்டது தெரியவந்தது.

அஸ்திவாரம் அமைப்பதற்காக மொட்டை மாடித் தடுப்புச் சுவரில் உளி கொண்டு துளையிட்டுக் கொண்டிருந்த தொழிலாளர்கள், எதிர்பாராதவிதமாக தடுப்புச் சுவர் இடிந்து விழுந்தது. மேலும் கீழே வேலை செய்து கொண்டிருந்த நவ்ஷாத் ஷேக், குஸ்முதீன் ஆகியோர் மீது தடுப்பு சுவர் விழுந்தது தெரியவந்தது. உயிரிழந்த நவ்ஷாத் ஷேக் மற்றும் குஸ்முதீன் இருவரும் கடந்த 2 மாதங்களுக்கு முன்பு பணியில் சேர்ந்தது போலீஸ் விசாரணையில் தெரிய வந்துள்ளது.

இந்நிலையில் அடுக்குமாடி குடியிருப்பின் உரிமையாளர் செல்வகுமார் மீது 2 பிரிவுகளின் கீழ் போலீசார் வழக்குப்பதிவு செய்துள்ளனர். அலட்சியமாக பிறருக்கு உயிரிழப்பை ஏற்படுத்துதல், மனித உயிருக்கு ஆபத்து ஏற்படுத்துதல் ஆகிய இரு பிரிவுகளின் கீழ் போலீசார் வழக்குப்பதிவு செய்து விசாரணை நடத்தி வருகின்றனர்.

கட்டுமானப் பணியின் போது தடுப்புச் சுவர் இடிந்து விழுந்ததில் வட மாநிலத்தைச் சேர்ந்த கூலித்தொழிலாளி ஒருவர் உயிரிழந்ததும், மற்றொரு தொழிலாளி மருத்துவமனையில் அனுமதிக்கப்பட்டிருப்பதும் சென்னையில் பரபரப்பை ஏற்படுத்தியுள்ளது.

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!

இனி உச்சம்... பணமழை கொட்டப்போகும் ராசிகள்!

அப்படியே சாப்பிடுவேன்!! 5 அடி முதலையை விழுங்கும் மலைப்பாம்பு!

விட்டேனா பார்!! ராஜநாகத்துடன் ஆக்ரோஷமாக சண்டையிடும் கோழி!