எங்கள் சகோதரரின் இரத்தத்திற்கு நாங்கள் பழிவாங்காமல் விடமாட்டோம்... லஸ்கர் இ தொய்பா பயங்கரவாதி இந்தியாவுக்கு மிரட்டல்… பரபரப்பு வீடியோ!

 By Seetha Sep 19, 2025, 19:45 IST
லஸ்கர் இ தொய்பா

ஜம்முகாஷ்மீரில் பயங்கரவாதிகள் நடத்திய தாக்குதலில் அப்பாவி பொதுமக்கள் 26 பேர் கொல்லப்பட்டனர். இந்தியா இதற்கு பதிலடியாக  ஆபரேஷன் சிந்தூர் நடவடிக்கை மேற்கொண்டது. இதனையடுத்து  இந்தியாவுக்கு எதிராக “பழிவாங்கல்” செய்யவுள்ளதாக லஷ்கர்-இ-தொய்பா (LeT) அமைப்பின் மூத்த தளபதி சைஃபுல்லா கசூரி எடுத்துள்ள சபதம் பரபரப்பை ஏற்படுத்தியுள்ளது.


 இது குறித்த வீடியோ சமூக வலைதளங்களில் சமீபத்தில் வெளியாகி பெரும் பரபரப்பை ஏற்படுத்தியது. அந்த  வீடியோவில், கசூரி நேரடியாக பிரதமர் நரேந்திர மோடியை குறிவைத்து பேசுகிறார். “எங்களின் தீர்மானம் உறுதி வாய்ந்தது. விரைவில் ஜம்மு காஷ்மீரின் ஆறுகள் மற்றும் அணைகள் எங்களுடையதாக மாறும்,” என கூறியுள்ளார். அத்துடன்  “இந்த சகோதரரின் இரத்தத்திற்கு நாங்கள் பழிவாங்காமல் விடமாட்டோம்,” என சபதம் எடுத்துள்ளார்.  
இந்த வீடியோ செப்டம்பர் 16 ம் தேதி வெளியாகி பெரும் பரபரப்பை ஏற்படுத்தியுள்ளது.  இதற்கு முன்னதாக, மே 7 அன்று இந்தியா நடத்திய ஆபரேஷன் சிந்தூரில், ஜெய்ஷ் இ முகமது அமைப்பின் தலைவர் மசூத் அசாரின் குடும்பம் அழிக்கப்பட்டதாக அந்த அமைப்பே ஒப்புக் கொண்டுள்ளது.  

லஸ்கர் இ தொய்பா
பாகிஸ்தானின் தெற்கு பஞ்சாபில் உள்ள பஹாவல்பூர்  பகுதிகளில் வெள்ள நிவாரணம் என்ற போர்வையில் தடைசெய்யப்பட்ட பயங்கரவாத அமைப்புகள் – குறிப்பாக LeT மற்றும் JeM – திறந்தவெளியில் செயல்பட்டு வந்தன. இவை  பாகிஸ்தான் அரசு மற்றும் இராணுவத்திடம் இருந்து நேரடி நிதியுதவி பெறுவதாக  உளவுத்துறை வட்டாரங்கள் மூலம் ரகசிய தகவல் கிடைத்தது.   பாகிஸ்தான் மற்றும் பாகிஸ்தான் ஆக்கிரமிப்பு காஷ்மீர் பகுதிகளில் அவர் பாதுகாப்பான புகலிடங்களுடன், ISI ஆதரவுடன் இயங்குவதாகவும், அரசியல் பாதுகாப்பும் வழங்கப்படுவதாகவும் உளவுத்துறை வட்டாரங்கள் தெரிவித்துள்ளன.

இதையும் பிடிச்சிருந்தா படிச்சு பாருங்க

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்

பளபளக்கும் மிருதுவான சருமத்திற்கு இதை மட்டும் செய்தாலே போதும்!!

நாப்கின்களால் ஏற்படும் ரேசஸ் மற்றும் எரிச்சலை போக்க இயற்கை வழிகள்!!

உங்க நட்சத்திரத்துக்கு லாபம் தரும் துறை எது?