கூகுள் மேப் மூலம் நிலத்தின் விவரங்களை அறியலாம்.. எப்படி தெரியுமா?.. தமிழக அரசு கொடுத்த சூப்பர் அப்டேட்!

Google Maps மூலம் எந்த நிலத்தின் உரிமையாளரையும் எளிதாகக் கண்டறிய முடியும் என்பது உங்களுக்குத் தெரியுமா? நிலம் யாருடையது என்பதை அறிய வேண்டுமானால், நிலத்தின் சர்வே எண் வேண்டும். சர்வே எண்களை அரசு இணையதளத்தில் வெளியிட்டுள்ளது.  இதன் மூலம் யாருக்கு சொந்தமாக நிலம் அல்லது வீடு உள்ளது என்பதை எளிதாக தெரிந்து கொள்ளலாம். இதை அனைவரும் கூகுள் மேப் மூலம் தெரிந்து கொள்ளலாம். நீங்கள் விவரங்களை அறிய விரும்பும் இடத்திற்குச் சென்று உங்கள் மொபைலில் கூகுள் மேப்ஸ் செயலியைத் திறந்து, சேட்டிலைட் வியூ விருப்பத்தைத் தேர்ந்தெடுக்கவும்.

உங்கள் இருப்பிடத்தை பெரிதாக்கி அதன் ஸ்கிரீன்ஷாட்டை எடுக்கவும். பின்னர் https://tngis.tn.gov.in/apps/village_dashboard/ என்பதற்குச் செல்லவும் இது தமிழக அரசின் அதிகாரப்பூர்வ இணையதளமாகும். இந்த தளத்திற்குச் சென்று நிலம் அமைந்துள்ள மாவட்டம், தாலுக்கா, கிராமத்தைத் தேர்ந்தெடுக்கவும். இப்போது நீங்கள் தேர்ந்தெடுத்த இடம் இணையதளத்தில் உள்ள கூகுள் மேப்பில் தோன்றும். ஒரு குறிப்பிட்ட கிராமத்தில் உள்ள அனைத்து சர்வே எண்களும் மஞ்சள் நிறத்தில் குறிக்கப்பட்டுள்ளன. உங்கள் இருப்பிடத்தின் சர்வே எண்ணைக் கண்டறிய, கூகுள் மேப்ஸில் எடுக்கப்பட்ட ஸ்கிரீன்ஷாட்டுடன் இதை ஒப்பிடலாம்.

பிறகு மற்றொரு தமிழ்நாடு அரசு இணையதளத்திற்குச் செல்லவும் https://eservices.tn.gov.in/eservicesnew/home.html. பட்டா சிட்டா விவரங்கள் பகுதிக்குச் செல்லவும். மாவட்டம், வட்டம், கிராமம் ஆகியவற்றைத் தேர்ந்தெடுத்து, பட்டா எண், புல எண் என குறிப்பிடப்பட்டுள்ள இடத்தில் புல எண்ணைத் தட்டச்சு செய்யவும். பின்னர் பிரிவு எண்ணை டைப் செய்து கீழே கொடுக்கப்பட்டுள்ள கேப்ட்சாவை கவனமாக பார்த்து உரிய இடத்தில் டைப் செய்யவும். பிறகு சமர்பி பட்டனை கிளிக் செய்தால், நீங்கள் பார்க்க விரும்பும் நிலத்தின் உரிமையாளர் யார் என்பது உங்களுக்குத் தெரியும்.

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!

இனி உச்சம்... பணமழை கொட்டப்போகும் ராசிகள்!

அப்படியே சாப்பிடுவேன்!! 5 அடி முதலையை விழுங்கும் மலைப்பாம்பு!

விட்டேனா பார்!! ராஜநாகத்துடன் ஆக்ரோஷமாக சண்டையிடும் கோழி!