ரூ.20,000 கொடுத்தா தான் பட்டா கிடைக்கும்... கறார் காட்டிய அதிகாரி கைது!

ஈரோடு  மவட்டம் கோபி அருகிலுள்ள மொடச்சூர் பகுதியைச் சேர்ந்த ஜெயா என்ற பெண் தனது நிலப் பட்டாவில் பெயர் சேர்க்கும் பணிக்காக பல மாதங்களாக அலுவலகத்திற்குச் சென்று வந்துள்ளார். இந்தப் பணியை நிறைவேற்ற, களஞ்சியம் கிராம நிர்வாக அலுவலர் சசிகுமார் ரூ.20,000 லஞ்சம் கேட்டதாக அவர் லஞ்ச ஒழிப்புத்துறையில் புகார் செய்தார். அதிகாரி நேரடியாக லஞ்சம் கேட்டதாக ஜெயா அளித்த குற்றச்சாட்டு விசாரணைக்கு எடுத்துக்கொள்ளப்பட்டு, துறை அதிகாரிகள் உடனடி வலை விரித்தனர். 

திட்டமிட்டபடி, லஞ்ச ஒழிப்புத்துறை போலீசார் ரசாயனம் தடவிய பணத்தொகையை ஜெயாவிடம் ஒப்படைத்து, அதை சசிகுமாரிடம் வழங்க அனுப்பினர். முன்கூட்டியே கண்காணிப்பில் இருந்த அதிகாரிகள், சசிகுமார் பணத்தை பெற்றுக் கொண்ட உடனேயே அவரை கையும் களவுமாக பிடித்தனர். ரசாயனம் தடவிய பணத்தொகை மற்றும் அதில் ஏற்பட்ட தடயங்கள் அவரிடம் தெளிவாகக் கண்டறியப்பட்டன.

சம்பவத்துக்குப் பிறகு, சசிகுமார் கைது செய்யப்பட்டு மேலதிக விசாரணைக்கு உட்படுத்தப்பட்டார். நிலப் பட்டா உள்ளிட்ட பொதுமக்கள் தொடர்பான அடிப்படை சேவைகளில் ஊழல் தொடர்ந்து நடந்து வருவதால் மக்கள் பெரும் அதிருப்தியில் உள்ள நிலையில், இந்தக் கைது ஊழல் தடுப்பு நடவடிக்கைகளுக்கு வலுவூட்டும் நிகழ்வாகக் கருதப்படுகிறது.

இதையும் பிடிச்சிருந்தா படிச்சு பாருங்க

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்

ஐப்பசி மாசத்துல இந்த 6 ராசிக்காரர்களுக்கும் அதிர்ஷ்ட மழை

ஐப்பசியில இந்த 6 ராசிக்காரங்க யாருக்கும் ஜாமீன் கையெழுத்து போடாதீங்க

வாழ்வில் செல்வமும், அதிர்ஷ்டமும் கிடைக்க இதை மறக்காதீங்க!