ஓட்டு போடாதீங்க.. மக்களை கேட்டுக்கொண்ட மாவோயிஸ்டுகள்.. அதிர்ச்சி வீடியோ வைரல்!

18வது லோக்சபா தேர்தலுக்கான முதல் கட்ட வாக்குப்பதிவு முடிவடைந்துள்ள நிலையில், 2ம் கட்ட வாக்குப்பதிவு ஏப்ரல் 26ம் தேதி நடைபெறுகிறது.12 மாநிலங்கள் மற்றும் யூனியன் பிரதேசங்களில் உள்ள 89 தொகுதிகளில் நடைபெறும் இந்த தேர்தலுக்கான பிரசாரம் இன்று மாலையுடன் முடிவடைவதால் சர்ச்சைக்குரிய பேச்சுக்கள் தொடர்கின்றன. .

இதனிடையே, கேரளாவின் வயநாடு தொகுதியில் ராகுல் காந்தியும், அணி ராஜா சுரேந்திரனும் போட்டியிடுகின்றனர். இத்தொகுதியில் மாவோயிஸ்டுகள் பொதுமக்கள் வாக்களிக்க வேண்டாம் என வலியுறுத்திய வீடியோ வெளியாகி மக்களிடையே பீதியை ஏற்படுத்தியுள்ளது.

கேரள மாநிலம் வயநாடு, பாலக்காடு போன்ற பகுதிகளுக்கு மாவோயிஸ்டுகள் செல்வது வழக்கம் என்று செய்திகளில் இருந்தது. ஆனால், முதன்முறையாக மாவோயிஸ்டுகள் இருப்பதை உறுதிப்படுத்தும் வகையில் வீடியோ ஆதாரம் வெளியாகியுள்ளது. வயநாடு பகுதியில் உள்ள கம்பமலை தேயிலை தோட்டத்திற்கு இன்று காலை 6 மணியளவில் 4 மாவோயிஸ்டுகள் வந்ததாக அந்த வீடியோ வைரலானது. கையில் துப்பாக்கியுடன் சீருடையில் வந்த அவர்கள் 20 நிமிடங்களுக்கு மேல் மக்களிடம் பேசினார்கள்.

அதில், “வரும் நாடாளுமன்ற தேர்தலில் மக்கள் வாக்களிக்க வேண்டாம்.தொழிலாளர்களான எங்களுக்கு அரசு எந்த வசதியும் செய்து தருவதில்லை.குறிப்பாக மருந்து போன்ற வசதிகளை செய்து தருவதில்லை.

இந்நிலையில், நகர்ப்புறங்களில் எங்களுடன் வந்து சண்டையிட வருமாறு சிலர் கேட்டபோது, 'தேவைப்பட்டால் வருவோம்' என பதிலளித்துவிட்டு, அங்கிருந்து வனப்பகுதிக்கு சென்றனர். இந்த நிலையில், அவர்களை கேரள போலீசார் தேடி வருகின்றனர். மேலும், அந்த வீடியோவில் இருந்த 4 பேர் அடையாளம் காணப்பட்டுள்ளதாக போலீசார் தெரிவித்தனர்.

இனி உச்சம்... பணமழை கொட்டப்போகும் ராசிகள்!

அப்படியே சாப்பிடுவேன்!! 5 அடி முதலையை விழுங்கும் மலைப்பாம்பு!

விட்டேனா பார்!! ராஜநாகத்துடன் ஆக்ரோஷமாக சண்டையிடும் கோழி!

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!