குட் நியூஸ்... சிக்கன் குனியாவுக்கு உலகின் முதல் தடுப்பூசி... அமெரிக்க சுகாதாரத்துறை அனுமதி!

உலக மக்களுக்கு நல்ல செய்தியாக அமெரிக்க சுகாதாரத்துறை அறிவித்துள்ளது. சிக்குன் குனியாவுக்கான உலகின் முதல் தடுப்பூசி மருந்துக்கு அமெரிக்க சுகாதார அதிகாரிகள் ஒப்புதல் அளித்துள்ளனர்.  சிக்கன்குனியா, பாதிக்கப்பட்ட கொசுக்களால் பரவும் ஒரு வகை வைரஸாக இருந்து வரும் நிலையில், உலகளாவிய பெரும் அச்சுறுத்தலாக இருந்து வருகிறது. 

Ixchiq என்ற பெயரில் விற்பனை செய்யப்படும் ஐரோப்பாவின் வால்னேவாவால் உருவாக்கப்பட்ட இந்த தடுப்பூசி, 18 வயது மற்றும் அதற்கு மேல், பாதிக்கப்படக்கூடிய அபாயம் உள்ளவர்களுக்கு செலுத்த அங்கீகரிக்கப்பட்டது என்று அமெரிக்க மருந்து கட்டுப்பாட்டு ஆணையம் தெரிவித்துள்ளது. அமெரிக்க மருந்து கட்டுப்பாட்டாளரின் இந்த ஒப்புதல், வைரஸ் பாதிப்பு பரவலாக உள்ள நாடுகளில் தடுப்பூசியின் வெளியீட்டை விரைவுபடுத்தும் என்று எதிர்பார்க்கப்படுகிறது.

காய்ச்சல் மற்றும் கடுமையான மூட்டு வலியை ஏற்படுத்தும் சிக்குன்குனியா, ஆப்பிரிக்கா, தென்கிழக்கு ஆசியா மற்றும் அமெரிக்காவின் ஒரு பகுதியின் வெப்பமண்டல மற்றும் மிதவெப்ப மண்டல பகுதிகளில் மிகவும் பரவலாக உள்ளது. "இருப்பினும், சிக்குன்குனியா வைரஸ் புதிய புவியியல் பகுதிகளுக்கு பரவியுள்ளது என்பது தான் அதிர்ச்சி தரும் செய்தி. இதனால் இந்த நோயின் உலகளாவிய பரவல் அதிகரிக்கிறது" என்று அமெரிக்க மருந்து கட்டுப்பாட்டு ஆணையம் கூறியது.

கடந்த 15 ஆண்டுகளில் 5 மில்லியனுக்கும் அதிகமான மக்கள் இந்த வைரஸால் பாதிக்கப்பட்டுள்ளனர். "சிக்குன்குனியா வைரஸ் தொற்று கடுமையான நோய் மற்றும் நீண்டகால உடல்நலப் பிரச்சினைகளுக்கு வழிவகுக்கும், குறிப்பாக வயதானவர்கள் மற்றும் இயல்பிலேயே உடல்நலக்குறைவு உள்ளவர்களை இது அதிகம் பாதிக்கும் என்று" அமெரிக்க மருந்து கட்டுப்பாட்டு ஆணையத்தில் மூத்த அதிகாரி பீட்டர் மார்க்ஸ் ஒரு அறிக்கையில் தெரிவித்தார்.

இந்நிலையில் இன்றைய இந்த ஒப்புதல் ஒரு மருத்துவ தேவையை நிவர்த்தி செய்கிறது மற்றும் வரையறுக்கப்பட்ட சிகிச்சை விருப்பங்களுடன், நோயை பலவீனப்படுத்தும், நோய் தடுப்பு யுக்தியில் இது ஒரு முக்கியமான முன்னேற்றமாகும்.

தடுப்பூசி ஒரு டோஸில் செலுத்தப்படுகிறது மற்றும் மற்ற தடுப்பூசிகளுடன் நிலையானது போல, சிக்குன்குனியா வைரஸின் நேரடி, பலவீனமான பதிப்பைக் கொண்டுள்ளது. வட அமெரிக்காவில் 3,500 பேரிடம் இரண்டு மருத்துவ பரிசோதனைகள் மேற்கொள்ளப்பட்டன. தலைவலி, சோர்வு, தசை மற்றும் மூட்டு வலி, காய்ச்சல் மற்றும் குமட்டல் ஆகியவை பொதுவாக உள்ள பக்கவிளைவுகள் என்று அறிவிக்கப்பட்டது. மேலும் சோதனைகளில் Ixchiq பெறுநர்களில் 1.6 சதவிகிதம் பேருக்கு தீவிரமான எதிர்வினைகள் பதிவாகியுள்ளன, இருவர் மருத்துவமனையில் அனுமதிக்கப்பட வேண்டிய நிலை ஏற்பட்டது குறிப்பிடத்தக்கது.

ஐப்பசி மாத புனித நீராடலின் மகத்துவம்.. மிஸ் பண்ணீடாதீங்க!!

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!

கிடுகிடுவென உடல் எடை குறைய தினம் இந்த பழம் சாப்பிட்டு பாருங்க...!!

ஐஸ்வர்யங்களை அள்ளித் தரும் ஐப்பசி மாத பண்டிகைகள், சிறப்புக்கள்!!