ஜேஇஇ 2ம் கட்ட முதன்மைத் தேர்வு... கால அட்டவணை வெளியீடு!

பொறியியல் படிப்புக்கான ஜேஇஇ 2ம் கட்ட முதன்மைத் தேர்வுக்குரிய கால அட்டவணையை என்டிஏ வெளியிட்டுள்ளது.

இந்தியாவில் ஐஐடி, என்ஐடி போன்ற மத்திய உயர்கல்வி நிறுவனங்களில் இளநிலை படிப்புகளில் சேர ஒருங்கிணைந்த நுழைவுத் தேர்வில் (ஜேஇஇ) தேர்ச்சி பெற வேண்டும் என்பது நடைமுறையில் இருந்து வருகிறது. இவை ஜேஇஇ முதன்மைத் தேர்வு, பிரதானத் தேர்வு என இரு பிரிவாக நடத்தப்படுகிறது.

இதில் ஜேஇஇ முதன்மைத் தேர்வானது தேசிய தேர்வுகள் முகமை (என்டிஏ) சார்பில் ஆண்டுதோறும் 2 கட்டங்களாக நடத்தப்பட்டு வருகிறது. அதன்படி 2025-26-ம் கல்வியாண்டுக்கான ஜேஇஇ முதற்கட்ட முதன்மை தேர்வு கடந்த ஜனவரி 22ம் தேதி முதல் 30ம் தேதி வரை நடத்தப்பட்டது. இந்த தேர்வை 12.58 லட்சம் மாணவர்கள் எழுதினர். இதன் முடிவுகள் பிப்ரவரி 11-ம் தேதி வெளியிடப்பட்டன.

அதனைத் தொடர்ந்து ஜேஇஇ 2-ம் கட்ட தேர்வு ஏப்ரல் 2ம் தேதி முதல் 9ம் தேதி வரை நடைபெற உள்ளது. இதற்கான இணைய விண்ணப்பப் பதிவு பிப்ரவரி 1ல் தொடங்கி 26ம் தேதி நிறைவு பெற்றது. இந்நிலையில் ஜேஇஇ முதன்மைத் தேர்வுக்குரிய விரிவான தேர்வுக்கால அட்டவணையை என்டிஏ தற்போது வெளியிட்டுள்ளது.

அதன் விவரங்களை மாணவர்கள் jeemain.nta.nic.in என்ற இணையதளத்தில் சென்று அறிந்து கொள்ளலாம். மேலும் தேர்வுக்கான ஹால்டிக்கெட் வெளியீடு உட்பட கூடுதல் விவரங்களை /www.nta.ac.in/ என்ற வலைத்தளத்தில் அறிந்து கொள்ளலாம் என்று என்டிஏ வெளியிட்ட செய்திக்குறிப்பில் தெரிவிக்கப்பட்டுள்ளது.

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க நட்சத்திரத்துக்கு லாபம் தரும் துறை எது?