கர்ப்பிணி மற்றும் பாலூட்டும் தாய்மார்களுக்கு ரூ11000 மத்திய அரசு நிதியுதவி!
கர்ப்பிணிகளும் பாலூட்டும் தாய்மார்களும் போதிய ஊட்டச்சத்துடன் ஆரோக்கியமாக இருக்க வேண்டும் என்பதற்காக மத்திய அரசு வழங்கும் நிதி உதவி திட்டமே பிரதான் மந்திரி மாத்ரு வந்தனா யோஜனா (PMMVY). கர்ப்ப காலத்தில் வேலை செய்ய முடியாததால் வருமானம் குறையும் நிலையில், பெண்கள் உணவு, மருத்துவம் போன்ற அடிப்படை தேவைகளில் வறுமை ஏற்படாமல் தடுக்க இந்தத் திட்டம் முக்கிய பங்களிப்பு செய்கிறது. பெண்களின் வங்கிக் கணக்கிற்கே நேரடியாக பணம் செலுத்தப்படும் இந்த உதவித் திட்டம் நாடு முழுவதும் கோடிக்கணக்கான தாய்மார்களுக்கு நம்பிக்கையாக உள்ளது.
இந்தத் திட்டத்தின் படி முதல் குழந்தைக்கான உதவியாக ரூ.5,000 வழங்கப்படும். கர்ப்பம் பதிவு, மருத்துவ பரிசோதனை, குழந்தை பிறப்பு — இந்த மூன்று படிகளிலும் தவணை தவணையாக பணம் வழங்கப்படும். இரண்டாவது குழந்தை பெண்ணாக பிறந்தால், மத்திய அரசு கூடுதலாக ரூ.6,000 வழங்குகிறது. இதனால் மொத்த நன்மை ரூ.11,000 ஆகும். பெண் குழந்தை பிறப்பை ஊக்குவிக்கும் வகையிலும், பாலின சமத்துவத்தை வலுப்படுத்தும் நோக்கிலும் இது உருவாக்கப்பட்டிருக்கிறது.
திட்டத்தின் பலனைப் பெற குறைந்தது 19 வயது நிரம்பிய பெண்கள் தகுதியானவர்கள். முதல் இரண்டு உயிருள்ள பிறப்புகளுக்கே இந்த சலுகை கிடைக்கும். விண்ணப்பங்கள் ஆன்லைனில் pmmvy.wcd.gov.in மூலமாக சமர்ப்பிக்கப்பட வேண்டும். அடையாள ஆவணங்கள், வங்கி விவரம், கர்ப்பப் பரிசோதனை பதிவுகள் உள்ளிட்டவை கட்டாயம் இணைக்கப்பட வேண்டும். மருத்துவ பராமரிப்பு, ஊட்டச்சத்து மற்றும் பாதுகாப்பான பிரசவம் — இம்மூன்றிற்கும் வலு சேர்த்துக்கொடுத்து, நாட்டின் தாய்மை பாதுகாப்பில் மிக முக்கிய இடத்தை வகிக்கும் திட்டமாக PMMVY தொடர்கிறது.
ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!
வீடியோ! 5 அடி முதலையை விழுங்கும் மலைப்பாம்பு!!
வீடியோ! ராஜநாகத்துடன் ஆக்ரோஷமாக சண்டையிடும் கோழி!!