கார் மரத்தில் மோதி மருத்துவக் கல்லூரி மாணவர்கள் 3 பேர் பலி!

தூத்துக்குடி அரசு மருத்துவக் கல்லூரியில் 4ஆம் ஆண்டு பயிலும் ஐந்து மாணவர்கள் நேற்று இரவு கடற்கரை சாலையில் காரில் சென்றபோது ஏற்பட்ட பரிதாப விபத்து, கல்லூரி வளாகத்தையே சோகத்தில் ஆழ்த்தியுள்ளது. திருப்பத்தூர் மாவட்டத்திலிருந்து வந்த சரண் (24), முகிலன் (23), கோயம்புத்தூரைச் சேர்ந்த சாரூபன் (23), புதுக்கோட்டையிலிருந்து வந்த ராகுல் ஜெபஸ்டியன் (23), தூத்துக்குடியின் கிருத்திக்குமார் (23) ஆகியோர் ரோச் பூங்கா அருகே சென்றபோது இந்த விபத்து ஏற்பட்டது.

அப்போது நல்ல மழை பெய்து கொண்டிருந்தது. அதிவேகமாக வந்த கார் சாலையில் வழுக்கியதால், ஓட்டுநரின் கட்டுப்பாட்டை இழந்து அருகிலிருந்த மரத்தை வன்மையாக மோதியது. தாக்கம் மிக அதிகமாக இருந்ததால், ராகுல் ஜெபஸ்டியனும் சாரூபனும் சம்பவ இடத்திலேயே உயிரிழந்தனர்.

காயமடைந்த முகிலன் மருத்துவமனைக்கு கொண்டு செல்லும் வழியிலேயே உயிர் பிரிந்தார். சரண் மற்றும் கிருத்திக்குமார் இருவரும் தற்போது அரசு மருத்துவமனையில் தீவிர சிகிச்சைப் பிரிவில் சிகிச்சை பெற்று வருகின்றனர். சம்பவம் குறித்து தென்பாகம் போலீசார் விசாரணை நடத்தி வருகின்றனர்.ஒரே விபத்தில் மூன்று மருத்துவ மாணவர்கள் மரணம் அடைந்தது, தூத்துக்குடி அரசு மருத்துவக் கல்லூரியில் பெரும் துயரத்தை ஏற்படுத்தியுள்ளது.

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க ராசிக்கேற்ற தொழில் எது? இந்த துறை அதிக லாபம் தரும்

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!